戶隱神社戶隱神社 係我長野縣第二個重要景點之前喺網上面見到係冬天條參道鋪滿曬雪,超靚!除非自駕,否則要去 戶隱神社 就要靠巴士如果大家同我一樣都係搭巴士就要先去Donki樓下嘅長野站前案內所買飛 長野 - 戶隱中社 單程¥1350時刻表:https://www.alpico.co.jp/tc/timetable/nagano/r-nagano-togakushi/冬天參拜 戶隱神社 ,巴士只可以去到 戶隱神社 ,你就要落車徒步繼續行但如果係春夏秋天,巴士就可以去到更近奧社嘅位置落車如果你同一日會去曬 戶隱神社 同 善光寺強烈建議大家買呢款一日券¥3000 買好飛就喺門口嘅7號巴士站等車就得 麻煩大家真係早啲排隊用嘅係呢隻local巴士,真係好容易冇位坐要記住你係要搭差唔多成個鐘...沿途都係冰天雪地 戶隱神社 其實係由五個社組成寶光社、火之御子社、中社、九頭龍社、奧社參拜路線都可以跟住上面個次序由下以上咁行如果大家由最低嘅寶光社開始行, 巴士係直接有個站叫做「戶隱寶光社」由寶光社行上去中社,大概半個鐘不過,冬天前往嘅人就絕大部分都會選擇由中社開始行始終路程短啲,加上比較受注目嘅景觀都聚集係中社同奧社之間我同大部分人一樣,由於體力同時間問題都選擇係中社落車 戶隱神社 巴士站已經畀雪覆蓋曬 呢幅 戶隱神社 案内圖大概展示咗成個 戶隱神社 嘅路線分佈 我就要由停車場慢慢經大鳥居行想去西鳥居,再行奧社表參道去到奧社單程歷時大概50-60分鐘先係中社兜個圈一落巴士其實就已經見到大鳥居 戶隱神社 大鳥居隔離有一棵樹嚟已經約800年樹齡嘅杉樹 慢慢行上去,呢啲樓梯先陰濕 大雪圍住「拜殿」 「拜殿」都有棵好大嘅杉樹,係呢度嘅御神木,都已經約700年樹齡啦 之後一直向左邊行就會去到西鳥居 去到呢個位有兩個選擇行1. 沿住左手邊馬路行2. 沿住右手邊參道行,不過鋪滿厚雪 大部分人都係行大馬路,安全好多但唔使問啦,我梗係唔知死揀參道嗰邊架 一路行奧社道想搵個人都冇我有幾度都懷疑自己係唔係行錯路 好在行行下都穿返出去細馬路 之後都有指示牌指引大家行奧社道 明明落車嗰陣有十幾個人,唔知做乜唔見曬 成條奧社道一路行都係呢啲雪景 行行下又行返入去啲林木中間 呢度都有迷你雪牆啦 又行咗十幾分鐘終於穿出嚟大馬路對面就係停車場同公廁 我終於都見到人啦... 呢條斜路真係攞我命,少少融冰咁 「戶隱神社 奥社」 大鳥居直到見到呢個大鳥居,大家嘅手機相機就開始要準備 頭一段路都係枯枝枯木但係中間一條雪路真係令到成個景好浪漫得黎,又好有寂靜感 因為我係搭第一班巴士,就算加埋自駕人士,全場人數都好少 行下行下就出太陽啦 行到中段見返d樹葉又會有返輕鬆感覺 見到「隨神門」就知自己已經行左大半 有唔少人去到「隨神門」就會選擇係附近行一陣,打下卡就折返始終最受歡迎景象都係集中係大鳥居 - 「隨神門」 - 奥社参道並木其中一段 我本身都考慮過繼唔繼續行落去皆因小弟真係好傻地出發前係迪記買左對冰抓鞋套,但居然今朝出發前漏左係酒店房 我而家著住只係一對平時行街嘅NB波鞋...但唔理啦,行到幾多得幾多啦當你穿過「隨神門」,眼前就係好宏偉嘅景象 成條並木參道兩旁種滿雪松樹,令到個感覺好有靈氣、好神聖一路行嗰陣覺得自己好渺小 回望返轉頭,配合埋「隨神門」,就係最靚嘅景象亦都係點解冬天雪地時好多人去到呢度就選擇結束 不過大家行嗰陣都要小心,因為熊出沒注意但更加要小心嘅係跟住嘅路程不斷上上落落,超滑超跣去到某啲位我都跣咗幾下,有兩次仲pk,好彩有手撐住 好有feel嘅洞口,但係唔知點解好期待入面會有啲狐狸走出嚟 行到「飯縄社」已經差唔多到終點平時嘅「飯縄社」,鳥居後面仲有條樓梯,而家大雪到已經覆蓋曬 越係接近奧社嗰段路就越危險,上坡嘅斜度唔惹少我試咗幾次都sir返落嚟 我當時已經好接近奧社,一路keep住上斜行多2-3分鐘就到但自己傻仔,冇準備好啲嘢結果我係上唔到去㗎試過踩住啲鬆少少嘅積雪位上,但最後都係失敗不過唔緊要喎, 戶隱神社 咁靚,我一定會再嚟今次我又冇乜覺得好失望太陽都冇令我失望,幾好天 正所謂上山容易落山難,落山有啲路段我直頭好似溜冰咁用咗好多時間先落得返去「隨神門」 知你靚仔喇...擺曬pose 回程嗰陣太陽開始猛烈,照到週圍都金光閃閃咁完全冇凍嘅感覺點擊圖片放大 十一點幾開始多返啲人,有啲都準備好充足 回程嗰就選擇試行馬路行馬路確實係舒服啲嘅,不過時間要用多少少但係硬係個感覺爭啲囉 係「戶隱中社」附近有好多蕎麥麵專門店呢頭食蕎麥麵都好出名㗎