當地市場 San Pedro Market美味鷄湯麵 Chicken Soup為咗醫肚，我中午就選擇去佢哋當地中央市場 San Pedro Market睇下有啲乜嘢當地美食可以品嚐 對我自己而言去旅行係一種體驗每一次去一個陌生嘅國家都可以體會到唔一樣嘅文化飲食亦都係文化之一，所以當地市場絕對係其中一個可以反應當地飲食文化嘅地方市場外會有啲小販喺度賣生果同小食 呢款脆棒 望上去已經非常之吸引人如果喺香港稍為包裝下，分分鐘可以賣15蚊一條 市場非常通風，並且分為乾貨及手工藝品類，生果及飲品類，熟食類同埋濕貨類點擊圖片放大 不過啱啱瞓醒精神都幾差，所以我都即刻搵間食Chicken Soup 雞湯麵嘅檔口坐低其實呢度成排都係食雞湯麵，可見佢係當地特色美食之一而且價錢相當平，S/.6 一碗入面有少少西蘭花，紅蘿蔔，一大隻雞髀同意粉所以就算佢英文叫做chicken soup，我中文都叫佢做雞湯麵 雞髀非常之嫩滑湯底係用雞肉同蔬菜餚成，有好香嘅雞味但又唔油膩，反而有少少清甜紅蘿蔔烹調嗰陣應該落咗啲醋，所以紅蘿蔔帶有酸酸地嘅香味加落去雞湯令到湯有微酸，都幾開胃，而且感覺都好特別，唔似平時啲雞湯 另外枱上面會有一樽辣椒汁同埋店家會提供一粒青檸佢就建議兩樣都加落湯度不過我覺得紅蘿蔔本身已經有酸味都已經足夠，所以就加咗少少辣椒汁其實辣椒汁唔係好辣，係好輕微嘅辣味再配合埋湯嘅酸味，又係另一種感受不過呢，我自己就覺得如果冇個股酸味，亞洲人應該會更加容易接受但呢個湯本身都已經可以好受亞洲人歡迎 而且利申定，我第一次食呢碗麵嗰陣其實唔係好舒服，仍然都係唔太夠精神所以當時其實食之無味，而且都食唔曬，以上嘅感受係我第二次再去食嘅時候感覺冇錯 碗麵我嚟食過兩次，因為真係好對口味有d野落下個肚真係舒服好多，後來我都開始慢慢正常返 鮮搾果汁每一檔個價錢都幾乎一樣，所以唔使格價 有啲檔口會提供玻璃杯或者紙杯選擇不過紙杯就要另外加0.5 Sol，但玻璃杯就相對冇咁乾淨 我就叫咗一杯芒果汁 5 Sol佢水唔係加得好多，所以飲落都好傑而且佢問使唔使另外落糖，我就梗係唔要啦但飲落都已經好甜 但講真果汁比我想像中價錢係貴作為6 sol可以食到一碗雞髀麵，但5 sol只可以飲到一杯果汁有啲果汁甚至比起碗麵仲貴
