玻利維亞簽證 現時，無論持有特區護照定BNO，入境秘魯都係免簽證但玻利維亞就唔係啦，持有特區護照人士就必須透過事前網上遞交文件申請或辦理落地簽證。普遍人都會選擇網上申請，然後去到鄰國嘅玻利維亞大使館取得簽證，因爲只需USD30但落地簽證就需USD100不過網上申請只可以係領取簽證日前15日内申辦，否則將會作廢。例如我16/5會領取簽證，但我1號就申請，就會係無效。另外，英國公民本身去玻利維亞係免簽證，所以好多手持BNO人士都會去搏一搏搏人地出入境海關係井底之蛙，唔識分真英國公民同BNO分別而事實上我聽返黎消息，如果你經陸路E.g.秘魯/智利以巴士入境基本上係無問題但如果係搭飛機抵達，機場班入境處就見識多d就大機會過唔到骨我旅途中遇到3個香港人用BNO(無申請簽證)搭巴士入境，係完全無難度地成功踏入玻利維亞境内。所以手持BNO嘅你不妨自己考慮下喺度先教大家點樣辦簽證首先，大家電腦一定要準備好以下幾樣文件掃描檔/資料 1. 你本人嘅大頭相 2. 信用卡正面(作爲財政能力證明) 3. 護照(有閣下護照號碼同相片嗰一版) 4. 英文行程表 (行程中會以巴士出入境) / 玻利維亞來回電子機票 (利用飛機出入境) 5. 玻利維亞第一晚住宿地點證明 6. 玻利維亞停留嘅日數 7. Email address 8.黃熱病注射證明 9. 緊急聯絡人資料之後就Click http://www.rree.gob.bo/formvisas/，入去填表其實份表係西班牙文同英文都有，所以並唔難填國籍嗰度大家就要揀返Peoples Republic of China (無辦法啦.....)以前係要用電郵接收驗證碼而家先進咗，用呢啲numerical問題就搞d掂 然後第2步就係要填個人資料記得第一個Type of Visa要選擇Tourist Visa其中有一項係填national identification number，記得要填你香港身份證號碼我嗰陣諗住身份證關佢咩事，所以就填passport no.點知到時領事對資料嗰陣發現我填錯結果收咗我10 Sol改資料Email聽聞最好唔好用gmail，話有機會會收唔到，所以我係用yahoo係呢一版就要上傳你嘅大頭相 第3步就係輸入你嘅passport資料但無需上傳passport掃描 第4步都係一啲普通問題第一條問題係問你之前曾經有冇申請過玻利維亞簽證第二題就關於你會逗留玻利維亞幾多日第三題係問你喺玻利維亞個旅程會唔會涉及以下組合嘅地方如果你好似我咁淨係去La Paz，Oruro，Uyuni，Copacabana，就直接揀others因為我仔細望過入面可以選擇嘅地方都係一啲容易感染黃熱病嘅城市 第5步就係你嘅緊急聯絡人資料佢份form好白痴第一位緊急聯絡人係冇位畀你填電話號碼當時領事叫我人手寫返所以大家可以係第二聯絡人嗰度寫寫完緊急聯絡人下面仲有一格係填你將會喺邊個領事館辦理簽證，我就係Cuzco 最後一個步驟就係要你上載所有掃描文件上傳曬咗之後 你就撳form print preview，會有個pdf file對一對所有資料係唔係啱如果啱就將嗰一個pdf file上傳去FORMULARIO DE SOLICITUD之後撳finish visa application，就會出現有申請序號嘅版面然後撳display Visa application form，下載你份申請書，就完成整個步驟 其實成個程序好簡單，只不過比較浪費時間之後記得Print份申請書出嚟，第二頁一定要簽名 親臨領事館之前記得要帶備所有你上傳過嘅文件副本記得缺一不可，因為大使會逐份逐份檢查網上面話申請簽證嗰份表要印兩份，不過最後大使淨係要左一份1. 簽證申請表2. 你本人嘅大頭相3. 信用卡正面(作爲財政能力證明)4. 護照(有閣下護照號碼同相片嗰一版)5. 英文行程表 (行程中會以巴士出入境) / 玻利維亞來回電子機票 (利用飛機出入境)6. 玻利維亞第一晚住宿地點證明7. 黃熱病注射證明 (無檢查)8. Usd 30我當時一到步Cuzco就去領事館辦理簽證官方時間話8am會開門，我7:55am已經企咗喺領事館門口等開門但最後我係8:15am 大使先開門畀我入去，而且當時得我一個人 大使會望一望你帶黎嘅資料同你之前Upload個堆係咪一樣覺得你冇乜大問題就會畀張紙仔你指示你去銀行交錢本身我同兩個台灣女人一齊去交錢點知臨出門嗰刻，領事發現佢哋份表有問題，好多地方多填得有誤所以拒絕咗佢哋今次申請，要求佢哋重新再申請過 領事會叫你去附近嘅BCP銀行交錢不過銀行開9點，所以你需要喺門口排隊等佢開門 一開門就直接上上一層畀張紙仔同Usd 30職員，佢就會自動幫你做嘢完成之後就帶同收據返回領事館 喺你畀錢嘅中途，領事會不斷幫你對資料如果你份資料係冇問題，基本上你返到大使館佢就已經準備好個簽證畀你但因為我冇填身份證號碼所以佢要打電話去問一問玻利維亞入境處可唔可以畀我即場改然後改完就收咗我10 Sol但都叫做成功攞到簽證成個過程其實都係1個鐘内，不過人多的話就唔同講法喺我出門前其實有兩個外籍男士都嚟咗排隊申請但我去完銀行交完錢返到去都冇再見過佢哋換言之呢日一開門就排隊嘅五個人，得我一個成功過關所以大家申請嗰陣都要小心填寫
