廣島城廣島城其實都幾麻煩，因爲廣島電鐵去唔到最近都要係紙屋町西落車再行10分鐘另外都有巴士去廣島城不過我見時間好鬆動，所以就選擇係紙屋町西行過去同大阪天守閣一樣，呢度都有條護城河同大阪天守閣一樣，呢度條護城河都係負責賺旅客錢坐唔坐......你自己揀啦 唔知今日係咩日子，踏入廣島城後，沿路都係好多小食攤檔不過就算同一款食物，唔同檔口價錢都有機會唔一樣 經過護國神社，都真係好多人參拜 然後就望下舊天守閣基石 其實就係天守閣重建時將原來基石搬移到而家呢個位換言之依家大家見到嘅天守閣其實係重建過 其實有件事我都留意左好多次好多時日本男公厠其實都好張揚唔信你望下幅圖 完全係將男性站立發射嘅英姿完全展示比世人敬仰自己就算用過好多次呢類型厠所都有d怕羞......廣島美食 - 《長田屋》行完呢兩個景點都已經成5點幾，所以都起程返本通行下 行下行下就見到我好中意嘅雪糕—Creamia依舊都係又滑又香 行多陣就去長田屋品嘗廣島燒 長田屋係廣島一間著名廣島燒店，非常多本地人前往食晚餐基本上6點開始都要排隊，條隊基本上唔到夜晚8點半都唔會消失所以大家如果想食就要比定心理准備排隊啦 我大概6點半到，最後都成7點過少少先入到去就快可以入座個陣，店員會比定menu你睇，提早落定單而且好細心設有英文或者簡體字版，方便我地旅客 廣島燒選擇好多，大家可以按自己喜好選擇而且更加為素食者設有素食版本，不過價錢同有肉嘅一樣另外可以自選麵底，烏冬/拉麵價錢都係1000-1500左右如果係3位女士或者1男2女，其實叫兩個廣島燒+其他小食就已經好夠我就重口味d，叫左Garlic 大蒜廣島燒要拉麵，同埋一杯橙汁(300円)其實正常就應該要飲啤酒，但小弟酒量淺薄，所以就叫無酒精飲品算 我坐係Bar枱,望住各位師傅無停過不停整廣島燒比客人點擊圖片放大 廣島燒好快就送到我面前超級大塊，而且好厚，入面有耶菜、肥牛、豆芽菜、拉麵同蛋皮等你可以慢慢切黎擺自己隻碟度食 唔夠醬的話，可以落擺係枱上面嘅三支醬，有沙律醬、燒烤醬同辣燒烤醬我誠意推介辣燒烤醬，好惹味！！ 呢份廣島燒真係好大份，食完呢份之後肚都脹曬臨走前影下長田屋内涵比大家睇下啦座位都唔算少，而且以木作爲裝修，顯得古色古香 食完大概8點幾，搭車過去廣島站綠色counter換埋聼日開始要用嘅JR pass再過去隔離超級市場買左d飲用水同生果就返Airbnb呢一日太早起身，所以都想早少少休息
