24/5 上淺秋塔之行

上淺秋塔唔係地方名，而係上野、淺草、秋葉原同東京鐵塔。

呢日食完早餐，就即刻走過去新板橋站搭都營鐵路去淺草。
日本地鐵真係好發達，但如此同時左轉右轉對旅客黎講其實都好麻煩。
轉左兩次車之後，終于去到淺草。

去淺草，所有人目的得一個，就係要去淺草寺！
不過好不幸地，我去個段時間寫住淺草寺嘅打燈籠維修，所以無得影相。(好在我係2017年1月再去東京已經開返，詳情請睇最新嘅6日5夜獨遊東京及東京近郊美食觀光之旅)

一路行入去，身旁都係攤檔賣各式各樣貨品，有野食、裝飾同服飾等，超級熱鬧！
幾經辛苦行到廟啦，個個都影相、求籤同樁香。

我一場黎到當然都要求下籤啦。結果.....唔話你地知

之後見到間花月堂諗住買個菠蘿麵包，點知大排長龍。
所以我就轉去左另外一家少人d，然一樣貼曬廣告、招牌嘅。250Yen一個大大個。
好扎實，好Full，完全唔係香港d空心包。
不過上面皮一開始好脆，之後即刻硬曬有d難咬。
結論係，我始終中意港式味道菠蘿包多d。

行左個半鐘左右，我地就離開淺草，乘坐metro去到上野！
其實行路都可以，不過都要25分鐘，所以決定搭車，因爲好熱。

其實去上野最大原因係因爲想行阿美橫町，一個可以形容為店鋪形式嘅女人街。
阿美橫町好近JR站，其實全條街都係痴住JR鐵路，所以係御徒町落車都無問題。
阿美橫町出名其實因爲售賣嘅貨品種類超級多，上至服飾、下至食物統統都有。
而且服飾上有平價運動服，更有貴超牌，應有盡用。
而且食物上，有甜品、刺身丼飯、零食等，包你花多眼亂！
所以阿美橫町絕對係不能錯過嘅地方，一定要黎啊！
其中一邊入去就等，寫住"上中"就多d服飾，而另一邊就多食物。

一入到阿美橫町，就見到Marion Crepes。
M.C.係一家好出名食可麗餅嘅店鋪，好多款比顧客選擇，有甜有咸。
而甜方面有好多款水果、雪糕同其他配料配搭。
我呢個選擇困難症患者即刻病發，幾經辛苦先選擇左個士多啤梨+士多啤梨雪糕(500Yen)。上面有酸酸甜甜士多啤梨醬，令到可麗餅唔會得個甜字。
而且士多啤梨都屬於新鮮，而唔係香港個d浸過糖水。
分量上多過葵廣果間又一X(唔開名啦)少少，用料上就新鮮d，所以比又一X貴d完全可以接受。不過後來發現原宿都有，而且有好多其他品牌。

行下行下就發現我想搵嘅運動鋪--London Sports。
London Sports被譽爲上野運動outlet，售賣正版運動衫褲鞋襪，有各款牌子，一定適合大家。
我買左兩件Asics透氣運動衫，每件980Yen，真心好平....
不過話明outlet，碼數方面980Yen個堆就係斷碼貨。
如果想有碼，可以行入少少就會有d有碼貨，不過貴少少，但都係屬於超級平！
留意London Sports有兩家分店，都係同一條街，所以大家不妨搵完一間然後再睇另一間先再決定。
拿，幅圖呢度睇呢度散好啦，驚比人告啊。

行下行下就肚餓啦，見路邊好多食刺身丼飯店鋪，所以就求其行入一間。
價錢真係無話可説，一碗三文魚丼飯都只不過500Yen，要味增湯都係加100Yen。
其實如果你問我d魚生飯新唔新鮮，當然同築地個d無得比，始終一分錢一分貨。
但絕對乾淨！你可以放心。
而且Quality起碼一定好過香港吉之島，總之500Yen-800Yen絕對唔會令你失望！

我自己就叫左淨三文魚丼飯，三文魚晤係用上等靚部位(預左)，但都未到頭頭尾尾個d。
咬落去都係新鮮，無其他雜質、怪味。
三文魚質素好過香港普遍放題，而且毫不吝嗇，一碗飯有好多塊，而且飯分量都好多。
而味增湯都ok，入面有芽菜、三文魚肉同豆腐，不過稍微淡左d。
三文魚色澤係ok，而且仲有幾舊魚腩邊，性價比高到爆燈啦。

而且阿美橫町都有好多服裝店，好似Dr. Martin呢d，價錢都平過香港少少。
而藥妝店都有唔少，價錢都比新宿個帶平，所以不妨係呢度買。
不過我個人推薦去吉祥寺買 (詳情請睇最新嘅6日5夜獨遊東京及東京近郊美食觀光之旅)

因爲都行到御徒町站，所以我地都選擇直接行過去秋葉原！
去秋葉原其實無咩目的，純粹想朝聖下呢個毒L地帶。
不過去到，其實發現都唔係真毒地帶。
雖有好多Figure鋪、動漫店同Sex Toy店，但同時都有好多電器店。
而且呢度有著名嘅高達cafe同AKB48 Cafe，作爲毒L點可以唔去呢？

由於我對Figure個d興趣不大，所以行左個圈就去另一個地方啦。
而走之前就去夾下公仔，結果用左800Yen都失敗，唯有止蝕立場。

下個目的地好多旅遊書都無介紹，因爲的確無咩景點好行，而且唔係咩出名/重要地方。
但對於運動人士就好重要。
點解？因爲呢個地方係運動野集中地！
呢個地方就叫做御茶ノ水。
雖然地方叫御茶ノ水，但實際上我會建議搭Metro係新御茶ノ水站 / 搭都營係小川町站落。基本上所有運動鋪就集中係大馬路兩傍。當中有London Sports，有Mizuno旗艦店同ABCMart等，而且有日本交受歡迎嘅Victoria。
Victoria其實係一家運動用品專門店，係御茶ノ水都已經有三家分店，每家分店都係幾層，好似大百貨公司，每層主題都唔一樣。
Victoria本店主要就係上山下海個d，而ABC Mart對面嘅Victoria就售賣球類運動多。
每年7月同1月都會有大特價啊！右手邊係本店，前面行多幾步就會見到另一間。

行完所有鋪，點知發現都係6點左右。唉，點算呢！
不過唔洗驚，抄士係大廳！
我即刻走入便利店買包野飲就坐一坐，睇一睇個行程表，即刻迅速作出調整。
將本身擺最後一日嘅東京鐵塔調黎呢一晚，因爲星空下嘅東京鐵塔都係好迷人。

我地根據乘換案内指示，搭車去到神谷町站，慢慢行上去東京鐵塔。行嘅路程大概10分鐘内，沿途都可以影相

呢張就係接近鐵塔個陣影。
夜晚着曬燈，閃閃生煇，漆黑中綻放光芒，格外耀眼。
呢張特登無開閃光燈，所以樣都係keep住神秘！

你問我係咪好震撼，其實還好，純粹都幾靚。
都算係必到景點，話曬出名到咁。
我地慢慢行番落去赤羽橋站，發現原來係赤羽橋站影仲清楚好多！

而因爲東京之行都打算休閒行，所以都費時再周圍搵野食，直接番去板橋有咩食咩就算。
而結果....
因爲板橋都係居酒屋、串燒爲主，我想飽肚爲主，所以都係走左入去松屋。
有人會疑惑食咁多松屋唔怕悶咩？其實絕對唔悶。
大家睇番我第一編講松屋幅相就知松屋選擇奇多，就算一個禮拜一日三餐都係松屋搞掂都可以唔重復~我就食左個咖喱雞飯。飯大盛同並盛同價，不過就算唔同價我都會叫大盛。
雞有4舊，裏面都有茄子、薯仔，都好豐富。
而且汁多，撈飯一流。
味道上真係好過香港大X樂、大X活等。而且呢度都只不過590Yen(HKD40)，有湯、有大飯，冰水任飲。
平遊日本，松屋、吉野家呢d真係不能少。

之後我地就行下板橋站最大超市 Maruetsu。
好大，幾乎所有食物種類都有。去到夜晚九點之後，麵包、飯卷、炸物等一律半價，而便當就慢慢一d一d減，所以便當完全唔急買。
我地買左d麵包同飯卷聼日做早餐，然後番上酒店休息一陣，換番對拖鞋再落黎。
因爲都成10點幾，d便當都已經減到盡頭，成堆師奶已經圍住搶(日本人好有禮貌，用肉眼睇邊盒好，睇岩先攞)。
我就當然混入去，攞左兩盒一早睇中嘅走。
我地第一次睇，原價590Yen，然後第一次臨走前變左490yen。
而我地最後落去個陣已經變左310Yen。

抱歉我無影到相，因爲我第一次寫blog，對影相都未係咁習慣。應承大家下次旅程影多d相！

成功發佈