小編成日都好想可以衝出亞洲，去遠啲嘅地方旅行。但一諗到要坐長途機：十個鐘雙腳冇法伸直、無所事事又訓唔著……小編諗到依度就已經怕怕了。我知，你實會叫我買商務客位架~問題係哪有錢啊嘛T.T 究竟有咩辦法可以令無痛苦咁坐長途機呢？如果你同小編有一樣嘅煩惱就快啲睇埋落去喇！ 上機前： 預先揀好飛機座位 （圖片來源） 預先揀好位是常識吧~依個位將會陪你十幾個鐘架！而每個人對座位嘅喜好不一樣，而且各有優缺點： 窗口位(Window Seat)：比較安靜，而且無聊時可以睇下風景，不過出入就比較麻煩； 走廊位(Aisle Seat)：方便去廁所可以自出自入，但就容易俾人騷擾； 機翼旁邊嘅座位：因為接近飛機嘅重心，無咁易受亂流影響，可以訓得安穩啲； 逃生口位(Exit Row Seat)：適合比較高嘅人，雙腳可以有較大的伸展空間； 前排位：後排位通常會留俾旅行團，想避開佢地就要揀前排嘅位置，而且可以最早落機 大家可以根據自己嘅喜好，揀個適合自己個位~~不過要點樣先知我坐係飛機上面邊個位？你可以上網站SeatGuRu 搜尋到航班嘅座位圖，咁就可以輕鬆揀個自己鐘意嘅位喇~ 唔好臨急抱彿腳 （圖片來源） 如果你習慣了做deadline fighter，唔到最後一刻都唔執行李，唔出發去機場的話，坐長途機之前就要改左依個習慣喇~因為如果你帶住好緊張嘅心情出發去機場的話，上到機你會變得好敏感，要較長嘅時間先至可以放鬆落黎~所以出發前早啲做足準備，檢查下係咪已經帶齊哂野，之後輕輕鬆鬆出發喇~ 穿著舒適嘅衣物 （圖片來源） 盡量穿著舒適、鬆身嘅衣物。上衣方面，棉質T shirt係一個唔錯嘅選擇，最好帶多件外套添，係機上面覺得凍都唔沒驚無哂毛毯！ 至於下身方面，女生可以考慮著長裙，男生則可以著棉質運動短褲。而緊身褲、牛仔褲就盡量避免喇~鞋方面易除易著嘅波鞋就最好喇。千祈唔好著拖鞋或露趾嘅涼鞋，因為一旦發生事故要逃生時，著露趾鞋的話會影響逃生時嘅安全同速度！ 飛機上： 帶備長途機三寶 （圖片來源） 咩係長途機三寶？答案就係耳塞、眼罩同頸枕！有左依三寶，就可以訓個好覺喇！記得要將三寶放係隨身行李啊~~ 注意飲食 （圖片來源） 機上嘅飲食都相當重要，絕對唔可以忽視！係機上面就盡量唔好飲禁多酒喇。而且盡量食清淡嘅食物，減少吸收過量嘅糖份，以免做成消化不良。有研究曾經指出碳水化合物類食物，如義大利麵和全麥麵包等，可以幫助我地更好咁適應時差。你亦都可以帶定啲小食，咁就唔驚肚餓喇~下次坐長途機你識揀喇~ 保濕用品唔少得 （圖片來源） 唔好以為保濕係女士專利，係高空上乾燥嘅空氣可是不論男女都會侵襲你。唔好因為貪靚就堅持帶隱形眼鏡同化妝。反而應該預備定細細樽嘅保濕噴霧、Lotion同潤唇膏~唔止外在，內在都需要補充水份！記得要飲多啲水~如果唔係落機就爆哂擦架喇！ 調整時差 （圖片來源） 長途機最困難係要適應時差喇。上機之後，空中服務員已經會按當地時間黎派發餐飲，你都應該盡量按當地時間作息，等自己嘅生理時鐘在落機之後可以盡快調整好。 自備娛樂 （圖片來源） 十幾個鐘流流長真係唔知做咩好…機上嘅電影又未必岩自己睇。所以小編都習慣會自己準備幾套電影放係平板電腦度，趁依個機會睇番之前無睇過嘅電影。另外，機上無網絡嘅環境小編認為係一個可以好好專心睇書，唔俾Facebook、message、email騷擾嘅好機會~ 定時運動 （圖片來源） 長時間坐係狹小嘅空間內好容易會有「經濟艙症候群」，造成下肢水腫、疼痛，甚至會引起呼吸困難及中風致死！所以千祈唔好輕視依個病啊！小編就有朋友試過腳痛到要係轉機時去睇醫生。所以要定時做一啲伸展運動，例如抬腿、來回走動等，以保持下身血液流通順暢。 睇到依度，係咪發現原本撘長途機都有咁多野要注意呢~小編總結一下有咩係撘長途機時要放係隨身行李架喇： 外套 長途機三寶（耳塞、眼罩同頸枕） 牙刷、牙膏 酒店拖鞋 保濕噴霧、Lotion同潤唇膏（眼藥水） 平板電腦、書 小食 希望以上小貼士可以幫到大家戰勝長途機嘅痛苦，落機唔會成隻喪屍咁，可以輕輕鬆鬆去玩~~ >>>搭完長途機，落機想快啲出到市區亦都可以選擇包車架！ ▲認識KKday▲ KKday-世界旅遊體驗網站，在全球 54個國家，174 個城市， 有 5000多種不同的行程與體驗。 KKday內有最特別、最意想不到的的世界行程體驗！不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩，一站解決安排行程的困擾！現在，想來一場與眾不同的旅行就來KKday找行程，一起去冒險吧！ KKday 網頁: www.kkday.com KKday Facebook: KKday
