呢排做隻出色的馬仔做到暈，緊係食蠔啲，於是就搵左呢間灣仔既小店去食，下晝有扒有生蠔食一於就揀佢喇。 岩岩過左食飯時間入去食，咁就可以慢慢坐，環境都幾舒服，坐低慢慢食嘆杯酒真係幾梳乎。 餐包熱辣辣好軟熟好好食，再加上呢個設計方便斟既Olive Oil同醋夾埋一齊食超開胃，準備食大餐喇。 叫左呢枝Kopparberg Cider Elderflower & Lime ($58)飲，有Elderberry 同Apple Cider，飲落好清新。 點擊圖片放大 Lunch $68就有三隻是日生蠔食，今次係南非Rollex好Creamy同淡淡海水味回甘味重，兩個人緊係叫夠半打喇。 餐仲跟左湯同沙律，湯真係超濃，飲得出用左好多料煮起。沙律有勁甜既蜜瓜配上巴拿馬火腿。 先揀左《海蝦意大利飯》($118)，飯身偏淋，見到好濃既顏色原來用左龍蝦蕃茄汁，好重蝦味但又唔會好漏。 食大餐點會少得牛扒呢，《炭燒西冷牛扒配紅酒汁》($158)，煎得好靚入面仲保持嫩紅色，薯蓉仲有薯粒係入面添。 煮出黎個網紋好靚，睇下入面仲係嫩紅無煎到過哂火架。 食到勁飽之際仲有甜品食，Tiramisu整得咖啡味勁香濃最重要係唔會太水質。 甜品最期待係呢個拖肥香蕉批，中間夾左一層係香蕉，食落又唔會太甜但又有底層拖肥既香味。 仲見到原來有免費午餐，四人行一人免費荀到爆。 店名: The Oyster House 地址: 灣仔謝斐道154號地下C號 即刻入去Like & Share埋我地既其他頻道喇 Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE Ublog: KJFOODLIFE飲食玩樂地圖 歡迎報料同合作: Email: kjfoodlife@gmail.com Mobile: 63525193 餐牌:
