去到沖繩呢個個海咁靚既地方，除左要欣賞風景同勁正既海邊之外，緊係要去潛番轉水親親海底世界先得。 點擊圖片放大 +2 今次訂左vessel hotel campana okinawa，係正海邊係房已經見到部份既海景喇，落去行下見到真係勁大勁闊勁靚既海，仲有海天一色既感覺，望住黃昏太陽落果個景真係超治癮呀！ 我地開始潛水之旅喇，一落水潛就見到有一群魚喇，呢度都係接近水面有好多魚係身邊游黎游去。 跟住就見到貝類既出現，海底真係好多物種係平時見唔到。 點擊圖片放大 有好多人都好鍾意既Nemo呀，平時海洋公園見得多，都係第一次海底同佢地打招呼架咋！佢地真係好得意呀。 之後見到有鯊魚，匿埋左係入面真係少啲眼力都見佢唔到。 海底最靚既係一埋珊瑚礁，好多唔同形狀既珊瑚，堆埋一齊真係成幅畫咁好睇。 點擊圖片放大 再潛深啲就會見到更多唔同類型既魚喇，有斑馬紋既魚喇仲有呢條呆呆濟濟樣既。 珊瑚群真係好靚，加上海既泡泡真係睇到唔捨得走，沖繩咁出名潛水既地方，海底既景色真係名不虛傳。 最鍾意呢個感覺，望住海面既一線曙光。 黎到平時好少潛水團會到既地方，今次我地去左Dream hole，本來係一個鐘乳洞，由個裂縫入去再潛入少少就會見到鐘乳洞既痕跡。 酒店: Vessel Hotel Campana Okinawa 沖繩坎帕納船屋酒店 地址: 9-22 Mihama, Chatan Cho Nakagami-gun Chatan Okinawa-ken 即刻入去Like & Share埋我地既其他頻道喇 Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE Ublog: KJFOODLIFE飲食玩樂地圖 歡迎報料同合作: Email: kjfoodlife@gmail.com Mobile: 63525193
