2018年7月22日 今日同kiwi仔去左megabox行街街，順便去參觀下Jurassic world大型恐龍裝置展覽先!展覽6月15日至9月2日期間。位於商場L5中庭位置。包括電影主角 30 呎長巨型機動暴龍、設有互動感應裝置的速龍 Blue、16 呎長全新恐龍角色兇王迅猛龍，同場亦有17 呎長三角龍、冥河龍 及Baby Blue等， 17呎闊機動無齒翼龍更會於8月1日驚喜加盟。 三角龍。 嘩，呢個大閘門最經典，我細細個睇侏羅紀公園嗰陣印象已經好深刻!! 呢隻機動暴龍不但止勁大隻，足足有30呎長，仲識得郁架，kiwi仔一見到佢就問我點解隻暴龍唔食佢喎^_^; 場地都溫馨提示大家要愛護恐龍請勿觸摸丫! 拿!黎到呢隻小恐龍，設有互動感應裝置，只要輕輕摸下(係摸唔係拍丫!)佢既頭頂，佢就會發出叫聲同郁動，像真度超高喔! 呢個位必影架!呃like一流! 展覽設有免費拍照點，可自選與不同恐龍相框合照，影會有有QR CODE比你入去睇相! 一場黎到又點會比各位兩手空空返屋企呢，係展覽旁邊就有大量恐龍玩具同lego恐龍組合比大家選購，各位恐龍迷記得買返隻心愛既恐龍返屋企丫!
