2018年7月6日 仲記得係大約八個月前，有一次公公問kiwi仔:你讀邊間幼稚園丫?kiwi仔就答公公:我讀緊“艱難”幼稚園!大家聽完當然笑聲四起，因為佢將迦南讀成艱難，好彩佢而家每日返放學都好開心，一啲都唔艱難\^o^/ 唔經唔覺kiwi仔已經係“艱難”幼稚園返左成年k1,返埋下個星期二就迎接暑假既來臨放假喇! 早前我上網淘左啲棒棒糖裝飾卡，諗住趁學期完結前送啲糖果比同學仔^^ 準備一桶迷你珍寶珠，袋仔同貼紙。 之後就將裝飾卡同貼紙套係珍寶珠身上就完成喇! 最後放入袋裡面，大公告成! 希望同學仔會鍾意♡^_^♡ 如果你都係“艱難”幼稚園既同學不妨揮揮手打個招呼喔!
