安頓好都2pm啦，早餐同午餐都未食，所以就決定撘的士去quan an ngon醫肚（quan an ngon係一間foodcourt形式的餐廳，都幾齣名）。 雖然聽人講過越南有d的士係呃人，但我地都無特別留意，餓鬼失去理智．．．．求其搵架的士問下價，可惜同司機有ｄ言語不通，好似話要usd 2，雞同鴨講之際，有個樣子凶惡的男人就埋黎同司機講一堆越南話，我地都呆一呆，以為咩事，莫非我地做錯事？？ 但佢跟住就用英文問我地想去邊，佢再同司機講一輪後，就叫我地上車啦，仲話by meter抵d呀。 點解越南人可以咁好好好好人架，專登黎幫我地翻譯。佢亦都無呃我地，by meter真係較平。 撘的士時影，越南真係好多電單車，感覺上比台灣同內地都多。在越南過馬路，一定要膽大心細，當無交通燈時，真係衝衝衝出去就得架啦，情形就好似摩西過紅海咁，ｄ車係會讓人既。開頭我地都有ｄ唔慣，但行行下已視車如無物。哈哈 講返quan an ngon，雖然佢好出名，但我地覺得味道麻麻又貴。 好似係Fried noodle with seafood.......好細碟呀，1人1啖無左。 春捲．．．都ok! 但街邊同街市買個d好食好多。 餐廳出面有水果買，買左啡色一粒粒的生果（讀音係"磅磅"）同生竹，老細仲送左幾粒cherry，真係識做生意 醫肚好就四周圍行，越南有好多樹，仲要棵棵都好高。 真係好高！ 越南post office，不過我地無寄postcard給親友，因為實在太窮．．． 可能有人話我地頭先捨得撘的士，宜家唔捨得寄postcard........但我地往後16日，大部份時間都係行去目的地，中午12點又行，夜晚又行，真係行到傻，但又唔係慳好多，有時都係為啖氣，唔想行到半路坐的士咁無用。 一格格既房係郵局內打IDD的地方，最正係入面有冷氣，譁，爽呀！雪又唔知發生咩事．．．．好似喪屍，哈哈 行多一陣，我地又食啦，哈哈，絶對唔係我地大食，因為越南食物份量好少，真係難怪人地男女老幼都咁fit! pho24，一間連鎖餐廳，味道一般啦，但service好好，我地問侍應點去雪糕店，佢畫地圖教我地，又教我地「多謝」的越南話點講，但真係好難發音，講到我地離開越南都未講得正多謝２個字．．．． 食越南河有油炸鬼送，但味道同香港既唔同，好香牛油味，最搞笑係我地食幾舊，佢地又添幾舊俾我地，雖然我地唔大食，哈哈，但都清曬。 食完晚餐食甜品，前者係椰子雪糕，好清甜，好食呀！後者係榴槤雪糕，味道較濃，都係澳門既榴槤雪糕好味好多！！ 不過值得為椰子雪糕而再去呀，仲送濕紙巾，好體貼。去東南亞，濕紙巾真係好重要，keep住乾爽，無咁辛苦。 食完野就行返去鬼佬街上網，條街好多網吧，價錢合埋。 2位為左講價成功而高興，Ａ貨由USD10講到USD4，好野好野！ 樽裝水大測試：結果joy係好飲既，但價錢貴，我地只會買較平但無咁好飲既LaVie........H2oh係有味道既水，都唔錯架，但都比較貴。 周圍行，周圍食就過左一日。
