當我+詩+雪向千個「林迦」出發的同時，SUKI在做甚麼呢?? 由SUKI講俾大家知。 SUKI說: 「我就體會了吳哥的人情味。SUKI是個貪生怕死的人，如何在吳哥這個陌生地獨自生存2小時??? 和大隊分開後，我便和LY到旁邊的小店休息。進入小店後，店員知道我要一個人在等待朋友回來，只坐沒光顧下都笑臉接待，還向我送上多本雜誌解悶。而LY也努力向我解釋雜誌上的人物。他們都很照顧我，頓時人情味充滿吳哥。 吳哥的民風很好，我在小店內小睡了1小時，也沒有生命及財產的損失。而且店員又常邀請我睡在她們的吊床內。1個多小時後，大隊回來，但我們因風雲色變的原因沒有光顧小店午餐，一走了之。但她們也沒半點怨言，真的不好意思。」 -------------------------------------- 我地離開時真係風雲色變呀!! 我地上車返GH途中，開始落大雨，好彩早落山，唔係真係危險啦！！ 因為好大雨，我地都要停埋一邊開RAIN COVER，本來阿LY想拎件雨衣，但點知開唔到個櫃，無得著，我地話等雨停先再行啦，但佢又好堅決咁要冒雨開車。 我地在車中間都感受到好凍好凍，SUKI就更加唔舒服... 而Ah Ly呢...佢真係全身濕曬....... 好唔容易終於返到GH，見到Ah Ly落湯 咁，我地好過意唔去，所以我地惟有俾多ＤTIPS補償．．．．．．但佢話平時都習慣俾雨淋，唉...香港人淋下都病.... 我地都叫佢返屋企洗白白休息下，晏少少返黎接我地去floating villiage. 與此同時，SUKI好似越黎越病．．．．．．所以要訓下抖抖。但我地明天要撘lao airlines去老撾．．．．咁既情況好令人憂慮！唔知佢上唔上到機?? ------------------------------------ Lao airlines係我地整個行程最貴既一程交通費，要HKD1,000，但佢可以慳好多時間，只需要１小時就可以由暹粒去到老撾巴色(PAKSE)機場。 Lao airlines ＞＞ http://www.laoairlines.com/ 但依間Airline出名經常delay，我地好唔好彩真係遇到，本來６月４日上機，要延遲一日，即係６月５日先可以去到老撾，有ｄ唔高興 ，見天氣唔好唔去Floating village，就叫Ly車我地3個去lao airlines搵負責人問下咩事。 雖然無得去floating village，但條街積左好多水，我地當去左～ｗａｋａｋａ 去到Lao airlines竟然收左工，Ah Ly幫我地打電話去質問負責人，好感動！！ 佢無必要咁做，係我地無助既時候，好彩有Ly幫忙，暖在心頭！ 最後有２個解決方案： (1) 延遲一日出發 (2)取消去老撾拎返錢，早Ｄ去泰國 我地三個都好苦惱.....究竟應該點做？？SUKI身體狀況又唔係幾好。但咁早去泰國又無野做，我地又好想去laos...... 問左一間旅行社去泰國既資料後，我地就去左pub street食飯思考一下。 最後都我地都決定去laos，希望SUKI支撐得住。 因為咁我地就要在暹粒留多一日，老撾行程照舊，但去少一日曼谷，好彩我地無詳細Plan去曼谷做乜，而且又cancell到當地一晚住宿，對往後行程的影響都唔係好大。 （待續：第二日終於見識到柬埔寨的醫院啦！！） -------------------------------- 雪的補充： 真係好在落山落得快!!! 如果唔係咁大雨我地一定落唔到果D 咁崎嶇我山路, 會冼死!! 一係就要滯留山上, 但上面係無遮無擋架!!! 仲記得返到GH, 我地見阿Ly濕成咁, 叫左GH的人比左條毛巾阿Ly抹下個身, 仲上去拎左件雨衣比佢頂住檔用住先 (件衫明顯唔係好岩肥o都o都ge佢著)... 但居然令到佢好唔好意思, 尷尷尬尬咁, 唔通我地太熱情??!! 老撾航空delay的原因居然係唔夠乘客!!!!! 佢為左減省成本居然將3日的航班group埋一日(6月3-5), 原本我地揀果日(4/6)得5個乘客所以要cut wo!!! 真係咁都得(3/6果班仲慘)!! 好唔可靠, 又唔通知我地, 唔係我地夠謹慎上網check同咁岩見到有佢地辦公室走去問就真係憨居左都唔知咩事!!! 不過都係一個體驗, 係現今社會咁flexible ge airline 已經唔多架la, 有幸幫襯一次都唔錯, 哈哈!!! p.s. 之後我地都有返d補償, 算係塞翁失馬咁啦....
