第6天, 我們離開拉薩市, 包車向西南面的日喀則進發.開始日喀則2日1夜之旅, 行程包括羊卓雍措(羊湖)、扎什倫布寺、卡若拉冰川日喀則是西藏的第二大城市. 海拔3,840米,是世界上最高的城市之一. 遊客一般都會將日喀則連埋珠峰大本營一齊去, 但我地準備唔夠+想量力而為. 所以淨係去日喀則啦. 當日我地大約8:00am出發, 由拉薩去日喀則大約要6hrs車程, 去到大約3pm.search google map先發現其中一個景點羊卓雍措(地圖右下方)的面積真係好大, 唔怪得咁壯觀. 2日行程, 第1日直奔日喀則, 參觀扎什倫布寺第2日回程時, 先去羊卓雍措(羊湖)及卡若拉冰川 其實整個旅程都好正, 景色美不勝收, 但包車司機的態度, 卻成為行程唯一一個污點.個司機好多時停車唔話我地知做乜, 要問佢先講係有景點可以影相/架車太熱要抖抖..... 一係催我地食飯食快d........好多時佢只係識一路開車, 一路煲煙, 一路打電話溝女.其實我地都無對佢做過d咩呀, 都係在車上面唱下歌....點解會換來咁o既服務態度? 因為我地唔夠惡? 呻完. 我地架包車. -------------------------------------------------------------------- 講返旅程的重點>> 美景.真係沿途風光明媚....望住都唔係好捨得訓.有好多油菜花田, 我地去個時係啱啱開, 再過多一排開晒, 一定好美! 西藏的山都是光禿禿的 離開拉薩愈來愈遠, 沿路偶爾會看見有少少雪的雪山.相信海拔又上升了不少. 有段路停左好耐車....落車看看, 前方好像有工程做緊. 當人在異地, 仲要去到一d不知名的地方時, 都會有種好奇怪o既感覺,會問自己世界咁大, 但點解偏偏會停o係依到?當落車企o係石地, 唔知自己身在何方時,會覺得一切都好似好假, 但又好實在. "真係到o左西藏啦." 就係我當時胡思亂想後得出的結論. 等多一陣又無啦啦開車, 好彩趕得切返上車. 這裡很美. 停車影相很壯麗的山水, 但忘記名字了. 美得拍不下來. 威公用電話app拍左個全景. 沙漠化很嚴重. 高山也變成沙丘. ------------------------------------------------------------------ 大約2:45pm去到日喀則市.我地先去扎什倫布寺參觀 扎什倫布寺係市內最大的寺廟. 當日陽光很猛烈. 個下見到山腰的寺廟時, 4人一齊淆底. 雖然日喀則的海拔只係高拉薩少少, 但都需要變返慢動作,行幾步抖抖. 點擊圖片放大 虔誠的藏人 廟內不可拍照. 入廟前雖然氣呼呼, 但進廟後, 可能環境寧靜,再加上神聖的氣氛, 成個人都好似平靜左.無論心跳, 呼吸, 思想都變得平穩. 個人覺得扎什倫布寺很值得參觀.可能是少人的原因, 可以令人慢慢去看及感受. ------------------------------------------------- 參觀後, 司機就車我地去扎西曲塔大酒店應該是市內較大規模的酒店. 環境,設施,食物都不錯.但因為太大,條走廊好長, 行到氣喘. 扎西曲塔大酒店http://www.chinahotels.net/tc-hotel_picture-42604003-tashikyuta_hotel.html (待續)
