30 MAY 2015(SAT) 感謝WeShare為我地安排左一個好好玩嘅活動，就係參加 Artisenses香水調配工作坊，可以調配一支專屬個人嘅香水呀~ 今日依個工作坊就係中環藝穗會舉行，大鄉理嘅我竟然行錯路，要行左一個大圈先去到，真係失敗。雖然係行錯路，不過我都準時到達，可以去整香水啦！ 首先就由Artisenses負責人為我地簡單介紹香水嘅歷史~ 原來負責人係全港十位香水調配師嘅其中一名，佢仲話要成為香水調配師要經過十年學習及訓練先可以做到，所以絕對唔係一門高深學問嚟呀！ 原來香水嘅發源地就係法國，由於佢地出產左好多香水天然原材料，所以因而盛名，所以到左依家依然係香水之都~ 嘩...好多香水牌子，不過我都只係識一個呀...哈哈哈~ 負責人仲為我地介紹世界上唯一有香味的石頭，就係琥珀。只要擦一擦，就會有微微嘅香味啦~ 聽完介紹之後，大家都好心急，因為可以開始調配香水啦~ 調配香水步驟分爲Base Note、Middle Note及Top Note。亦都因為有三個階段，所以就分唔同時間嘅香味啦~ 我地就係一眾香精中選出我地最啱嘅香味~ 我地可以從中挑選大概每個Note 3種香精，利用香水紙不停聞..聞...聞~ 講真不停咁聞，個鼻都塞塞地，所以就要用咖啡豆嚟清一清個鼻呀~ 揀好左個Base Note啦~ 就開始好似做實驗咁，專心地將香精放入個量管啦~ 之後我地就繼續揀埋第2及第3個NOTE啦~ 唔洗驚唔識揀，因為負責人會嚟幫你，睇下你鐘意邊種味重啲，佢就會因應你需要，幫我地調到晒啱心水呀~ 3個NOTE都揀好晒，就可以倒入香水樽~ 一支屬我個人香味嘅香水就完成啦~ 坦白講，未嚟參加都唔知原來一支香水味都分咁多層次，成日以為隨便咁調就可以，原來真係有依據及步驟，係好有系統一件事嚟呀！ 我覺得好攪笑就係，一路都係調配緊花香味香水，但到左個完成品就變成為甜甜味(個味都OK呀)，依個就係當中微妙之處，所以香水調配真係好好玩呀！ 平時我地好少噴香水，因為用開嗰一款我兩位老細都不太喜愛。不過我今次自行調配嗰一種味，佢地又幾鐘意，尤其係小小豬，因為我噴完之後佢不停走嚟我身邊仲同我講：MaMi.....你真係好香，我好鐘意呀！ 哈哈哈....既然小小豬咁鐘意，我就可以噴多啲啦！ More information : Website：www.artisenses.com/ Facebook：https://www.facebook.com/Artisenses MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
