15 MAY 2015(FRI) 話說我之前整櫻花雙色奶(按此重溫)時，大肥豬都讚好食，所以見今日有時間，就同小小豬嚟個親子廚房，整個黑白奶凍啦~ 我依個BB級奶凍都真係好容易，只係簡單三樣材料就整到~ 首先將一盒236ml嘅朱古力奶用細火煮熱~ 然後加入2片浸軟嘅魚膠粉~ 同埋2茶匙糖(糖可以因應個人口味加減的哦)~ 之後攪拌至魚膠粉及糖完全溶解~ 放涼後就可以倒入杯，再放入雪櫃至凝固~ 今次我就嚟攪攪陣，打側個杯嚟雪，咁就可以斜斜地嚟凝固啦~ 朱古力奶凍凝固後，就可以整第二層鮮奶凍啦！ 其實做法同士多啤梨奶凍完全一樣，都係先煮熱236ml嘅鮮奶，然後再加入魚膠粉及糖~ 待奶凍放至室溫(一定要凍晒先可以呀)，再倒入杯中~ 再放入雪櫃至凝固~ 等到凝固就可以食得啦，我依個攪攪陣嘅黑白奶凍靚唔靚呢~ 哈哈哈...我最忠實嘅小粉絲食得幾開心，當然亦都係因為佢有份整，所以食得特別古靈精怪啦~ 哈哈哈...見到斜斜地嘅奶凍，一次過又可以食到兩個口味，所以都幾有成功感呀~ 下次同小小豬整咩甜品好呢？不過小小豬提意唔好整朱古力，因為佢話有濕疹唔食得呀...估唔到依個為食豬又幾有節制力哦！(佢今次都只係負責食晒啲白色奶凍，朱古力嘅都俾晒大肥豬食呀...哈哈哈) MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語</span%
