30 JANUARY 2015(FRI) 前幾日冇意中拎左本中醫書嚟睇,入面有一個茶療係話可以健睥暖胃、消食化滯。見食排都好似胃頂頂,好似消化唔係咁好,所以就買啲材料,用象仔杯試下啦~ 材料都係三樣:太子參5g、陳皮兩小片、普洱茶少少~ 陳皮浸透去囊,然後切絲備用~ 先將太子參及普洱茶放入象仔杯,然後用涼開水洗一洗~ 然後將陳皮絲放埋入象仔杯內~ 最後加入熱水~ 加蓋燜泡大約5分鐘,就可以飲啦~ 飲完一杯之後,可以反覆沖泡飲至味精變淡為止。我用依個分量都飲左五杯,都最後嗰杯個味都仍然KEEP到呀! 其實單睇外表同普通嘅普洱茶冇分別,不過入口就有所分別,飲落有一陣陣嘅陳皮味同太子參味,而且我覺得比一般嘅普洱茶更好飲添! 至於飲完之後,個飽飽滯滯嘅感覺又好似少左啲啲。雖然唔知係唔係依杯茶嘅功效,不過間唔中泡嚟飲都可以冇壞呀! MY FACEBOOK~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※