17 NOVEMBER 2014(MON) 依排見好多朋友仔都買左象仔燜燒杯，剛好行開SOGO見到有特價，所以又貪得意買左一隻嚟試吓。 見屋企有齊材料，所以就順道整左杯杞子元肉紅棗茶等自己補一補之餘，又可以試吓隻杯仔啦~ 象仔燜燒杯都有好幾個SIZE，我今買嗰個應該就係最細嘅。雖然好似細左啲啲，不過我覺得都應該OK夠用~ 一 嚟佢特價都只係二百幾蚊，可以平平地買嚟試吓玩，二嚟有時同小小豬外出食飯，我地都會自己帶飯出去俾小小豬，咁細細個夠一餐又唔洗咁重嘛！(冇錯...雖 然依家小小豬都四歲仔，不過始終佢都係有濕疹底，我地都唔敢太亂俾嘢佢食，所以都會因應外出食啲咩，係間唔中要自備食物俾佢食呀) 好啦...等我講返試杯情況先，今次我就用象仔燜燒杯焗杞子元肉紅棗茶，材料就只係需要依三樣：杞子約10粒、元肉10粒及紅棗4粒~ 紅棗去核，然後連同其他材料一齊洗淨~ 將所有材料放入象仔杯中~ 加入滾水~ 然後焗15分鐘~ 簡簡單單就完成，可以等自己補一補啦~ 焗左15分鐘，倒出嚟嘅時候都係熱騰騰嘅，而且杞子元肉紅棗茶都有好香濃嘅味道，所以象仔燜燒杯都真係唔錯，簡簡單單就可以完成。 用象仔咁方便，等我多啲焗啲茶俾自己飲先得！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※
