15 NOVEMBER 2014(SAT) 我都好鐘意食斑蘭嘅甜品,之前係屋企都自己整過幾款,不過嗰幾次都係用加入斑蘭香精調味。今次買到新鮮嘅斑蘭葉,所以就整左個斑蘭布甸試吓啦~ 材料:斑蘭葉5條、糖20g、魚膠片6g、淡忌廉75ml~ 先將斑蘭葉洗乾淨,然後剪細~ 然後加入熱水150ml焗10分鐘~ 魚膠片浸軟備用~ 浸了10分鐘的斑蘭葉連水放入攪拌器打碎,然後隔渣成汁~ 將斑蘭汁加糖用慢火煮至糖溶~ 加入魚膠片攪溶~ 放涼後再加入淡忌廉攪勻~ 過濾之後,就可以入杯~ 依個份量就足夠整三杯仔,我地三口子一人一粒~ 放入雪櫃下層雪至凝固~ 脫模後就可以食得啦,個賣相都唔錯哦~ 口感都好滑滑呀~ 味道又如何?由於係用新鮮斑蘭葉關係,當然係比用斑蘭香精調嘅味來的更加香燶,同埋食落都有一陣草葉味道。 我自己就好鐘意食,不過亦都係因為有嗰一陣草葉味,所以小小豬食兩啖之後就話飽飽唔食,真係唔識欣賞。 我都明白唔係人人都鐘意食嗰一種草葉味,家中只有我一個人識欣賞。不過唔緊要,咁好味嘅甜品我唔介意一個人食晒,只係怕又要肥多兩磅啦...哈哈哈! MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※