8 NOVEMBER 2014(SAT) 依排係FACEBOOK見到好多朋友仔都整左個『整個蕃茄飯』，見個整法超級簡單，加上大家都讚口不絕，所以今晚又嚟試整啦~ 其實啲材料真係很簡單，好似油、鹽、米、黑楜椒、蕃茄，基本上屋企都有齊晒。不過，話晒都係晚餐，當然要豐富啲，所以我就加埋啲粟米、腸仔同埋小帶子一齊整啦~ 煮法都真係非常簡單，只要好似平日洗米煮飯咁，調教好水份之後，就可以加入少少鹽、橄欖油及黑楜椒~ 之後就可以將粒大蕃茄放係米上面~ 最後再加入我已經準備好嘅粟米、腸仔粒同埋小帶子~ 按著個電飯煲，等到電飯煲發出"BB"聲，即係煮好啦~ 飯煮好後將蕃茄戳爛~ 然後將飯、蕃茄及餸拌至均勻~ 可以開餐啦~ 簡簡單單又食左一個晚餐，唔好睇佢好似簡單咁，個味道真係唔錯，連大肥豬都讚好食，仲食左兩大碗添呀！ 其實我覺得依個蕃茄飯都可以有好多唔同變化，只要加入你鐘意食嘅餸材，咁就可以有唔同嘅味道。既然大肥豬咁鐘意，所以下次唔知煮咩餸時，就可以煮依個簡單又方便嘅蕃茄飯啦！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
