1 NOVEMBER 2014(SAT) 好耐都冇同小小豬一齊整甜品，見今日有少少時間，所以就嚟個親子廚房，整個簡單好味嘅香蕉牛奶蒸蛋啦~ 主要材料都係三樣：熟香蕉1隻、雞蛋1隻、牛奶200ml。其實食譜上係可以加入15g嘅白砂糖，不過我一向都好少俾糖小小豬食，所以我就冇加入落去啦！ 香蕉剝皮後切小段放在碟裡，然後用叉壓成香蕉泥~ 雞蛋打好後發勻~ 將香蕉泥倒入碗內~ 再放進雞蛋及牛奶慢慢加入~ 將三樣材料充分地拌勻，用湯勺去掉表面的白泡沫~ 然後將處理好的香蕉牛奶液倒入蒸杯中~ 最後加埋個蓋，咁就可以拎去蒸啦~ 放進蒸鍋中以大火蒸約10分鐘至凝固(由於我係用有蓋嘅碗，所以時間係會多少少，如果普通用可受熱嘅保鮮紙嚟蒸，大約7-8分鐘就得啦)~ 出爐啦~ 雖然看似唔係好滑，但其實嗰啲就係香蕉泥嚟呀~ 睇吓個小小豬個為食樣，不過唔止小小豬，我都覺得幾好食呀~ 香蕉牛奶蒸蛋個味道真係唔錯，尤其係依三樣食材都係好有營養，真係大人同小朋友都啱食。原來香蕉同牛奶再加埋雞蛋個味係咁夾，食嘅嘅有好香嘅香蕉味，仲有滑滑嘅牛奶，最好就係熱騰騰咁食，真係既暖胃又飽肚呀！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
