想知道你小朋友有冇畏高?! 今日同哥哥去咗青年廣場Just Climb開放日參加攀石活動 一個又有得玩又可以訓練小朋友自信心既好去處 呢個免費活動早喺我大半個月前就要上網報定名, 只要喺Just Climb的facebook專頁留言Like+Share+Tag, 最快的朋友就可以被選上 我嗰朝早就一路捕住佢個post, 所以我就第一個完成所有指定動作! 等咗兩個星期終於到咗呢一日, 我哋今日三點幾先至出發, 去到柴灣青年廣場啱啱好4點 我哋搭電梯上到六樓! 轉左就見到Just Climb個Reception, 原來只係一個好細小既空間! 見到個招牌以為佢黐得咁核突, 之後媽咪話人哋想扮個攀石牆, 我睇睇吓先覺! 哈 轉過嚟呢邊就係Just Climb既Area! 今次個活動係完全免費, 只適合4-6歲小朋友參加 參加既小朋友先一字坐喺地下, 聽教練講解! 芊芊今日冇份玩, 所以只好喺側邊望哥哥同佢加油! 家長就只可以喺兩邊影相觀看 一個鐘頭既活動只係分為兩部份, 頭同尾15分鐘俾小朋友徒手打橫爬, 教練及助手會從旁協助 哥哥見過唔少世面, 所以一定冇問題, 再高D都試過! 去樹屋都玩過兩次, 爬嚟爬去絕對難唔到佢 [video] 教練讚佢爬得好快, 但係其實如果唔係扶住佢就一早跌咗落嚟! 然後過咗15分鐘大家都熱哂身, 可以開始玩真嘢喇, 大家先戴上安全帶 哥哥係最尾一個, 所以坐喺度睇住前邊既小朋友玩, 佢開始有D緊張, 雖然佢知道自己唔駛驚 終於開始爬啦, 哥哥好快就爬到中間位置! 但係跟住就開始唔知隻腳放邊度! 全程教練係唔會點幫佢手!因為想俾小朋友自己嘗試, 只會係下面鼓勵同埋用紅外線點俾佢知應該踩或掹住邊一塊石! 除非個小朋友真係好驚半天吊咗喺度先上去幫佢哋, 否則都係等佢哋上到去最高, 先叫佢哋落嚟! 最後哥哥就嚟到最高個塊石, 就踩都唔踩離地咁去掹住塊石! 原來有個cam一路喺高處拍攝緊, 希望可以拎到D相望吓啦 卸下安全裝備之後教練同小朋友做番D手部運動, 等手指關節可以鬆一鬆! 剩番最後15分鐘, 然後再嚟多一次向橫爬, 就差唔多五點喇! 最後唔少得係大合照啦! 落到青年廣場地下見到有個鋼琴, 哥哥就要過去露一手! Photo by CANON 5D Mark III, Len | EF 24-70mm f2.8L USM 呀劍評分: 8分 呀劍評語: 免費活動嚟講都唔錯, 教練有耐性有安排! 當然佢哋都係做promo宣傳啦, WinWin JUST CLIMB 簡介 Just Climb分店JC Square於2015年正式落戶柴灣青年廣場！銳意成為香港專業兒童攀石訓練學校的JC Square致力推廣兒童攀石課程及親子攀石體驗，以攀石的堅毅不屈精神，感染更多兒童及青少年培養正面積極的價值觀，於日後的人生路上亦能攀上高峰！ 地址 香港柴灣柴灣道238 號青年廣場6 樓 交通 港鐵：柴灣站 A 出口，步程只需 3 分鐘 日期時間 2016年4月3日 4:00-5:00 (以上資料更新至文章當日) Facebook專頁: 呀劍萬帥 kimfamilytraveltips Blog網誌 : kimfamilytravel.blogspot.hk
