呢一篇我就算幾忙都要打 因為呢樣野食係我近幾個月黎食過最念念不忘既美食 我已經同左泡菜男講下一次一落機第一個要去既地方就係呢間食店뽕신 Bbong Sin 呢間食店係出名食辣炒海鮮麵짬뽕 但辣炒海鮮麵度度都有得食 連公仔麵都有出,有人話係屋企煮咪得囉,點解要出黎食? 我話你地知,只要你地食完呢間食店既麵 之後一定唔想再食嗰包公仔麵 因為呢度既辣炒海鮮麵好特別 嗰名叫做백뽕 佢係融合左韓式加意式既fusion菜 外表望落去係白汁咁既樣 但一食落口除左白汁忌廉嗰種味之外 仲食到淡淡既辣味,嗰種辣味係辣炒海鮮麵特有既味 而且嗰汁做得好滑,超creamy 食到最後,我連啲汁都飲埋 真係減肥無望 呢間舖頭係旅遊區都有分店 而且價錢仲好經濟 兩大碗辣炒海鮮麵加一個大pizza套餐都只係29900won(HK$200) 三個人食都夠曬 뽕신 Bbong Sin 營業時間: 11am-9:30pm 鐘路分店 首爾鐘路區鐘路2街12 서울특별시 종로구 종로2가 12 江南分店 首爾江南區江南大路102街15 서울특별시 강남구 강남대로102길 15 梨大分店 首爾西大門區新村路87-20 서울특별시 서대문구 신촌로 87-20 新沙洞分店 首爾江南區江南大路152街46 서울특별시 강남구 강남대로152길 46 小kimbap http://www.facebook.com/iamkimbap *廣告時間* 小kimbap合作韓國代購 Morning Tea ig: morning_teaa Facebook page: http://www.facebook.com/morningteaa
