泡菜男係一個好中意食辣炒年糕떡볶이既人黎 基本上佢活動範圍裡面有既年糕店都俾佢試過 今次旅程入面佢帶左小kimbap去食一間佢以前做過兼職既辣炒年糕店 佢話呢間係佢食過入面最好味既一間 店名叫전투 떡볶이 韓國一個知名既飲食節目Tasty Road都有介紹過佢 詳情可以睇呢度 https://youtu.be/tQD0KnQpuCY 其實平時行過弘大,明洞都會見到好多辣炒年糕떡볶이賣,點解要去到嗰度食 因為平時係弘大,明洞食到嗰啲既年糕汁都好杰 而且嗰度啲年糕大部分都唔新鮮 有啲舖頭什至會將賣唔曬既留返聽日翻炒再賣 所以要搵到爽口彈牙既年糕有啲難 但呢間店賣既炒年糕全部都係即叫即整架 所以口感好新鮮,年糕好彈牙,而且佢既年糕湯底係飲得架,唔係嗰啲好杰既汁 一啖年糕,一啖湯,真係perfect 除左年糕出名之外,佢啲炸物都好好味 強烈推介佢嗰炸蝦 平時係街食嗰啲炸物,啲粉好厚,好油 但呢間食店整出黎既炸物,皮好薄 而且配埋佢既特制醬油食落口 食到鮮蝦甜味之外,仲一啲都唔油 價錢方面仲好吸引 떡볶이 辣炒年糕一人份 3000won(約港幣20元) 새우튀김 炸蝦10隻 10000won(約港幣68元) 呢間年糕店舖面較細,入面同出面加埋可以坐大約20人左右,所以晚晚都滿座同排長龍 而店舖位於新林站(신림역) 同海鮮九層塔既食店只係相差一個地鐵站 如果大家去食海鮮九層塔的話 不妨係食之前去埋呢間年糕店試一試佢啲炸物同辣炒年糕,保證你會回味無窮 전투 떡볶이 地址: 서울특별시 관악구 신림로67길 23 South Korea, Seoul, Gwanak-gu, Sillim-ro 67-gil, 23 營業時間: 18:00-02:00 前往方法:首爾2號線新林站6號出口,一出直走,途中會經過Woori Bank,Holly Coffee,見到Starbuck之後第一個路口轉左,直行就到 小kimbap http://www.facebook.com/iamkimbap *廣告時間* 小kimbap合作韓國代購 Morning Tea ig: morning_teaa Facebook page: http://www.facebook.com/morningteaa
