小kimbap男朋友上吐下瀉,又發燒 但我忙住代購工作,都無時間同佢去到醫院 大家唔好話我冷血呀 我唔努力啲做野搵錢,點可以成日飛去探佢呢 同埋佢成日都話我係佢粒仙丹 咁我諗有我係佢身邊,佢應該會好快好返既 講開又講 對比香港,韓國既醫療制度真係好完善 韓國周圍都可以搵到醫院 但係香港就得嗰幾間 去睇嗰醫生都可以排足一日隊 另外,韓國有一個全民醫療保險計劃 只要有參加既韓國人,睇醫生都可以好平 泡菜男睇左醫生,打左針,配埋一大堆藥返黎 都係用左港紙三十幾蚊 我平時搭嗰車去診所都唔只呢個價 香港呢方面真係要向韓國好好學習 至於去韓國旅行既時候病左可以點算好? 普通傷風感冒唔太嚴重的話 去藥局都可以買到類似必理痛既特效藥 但如果好似小kimbap上次咁樣高燒不退 我諗唯一既方法就係去醫院睇醫生 如果你識韓文的話,咁就梗係去返韓國人平時去開既醫院 價錢雖然比韓國人貴好多,但係連埋藥都係同香港價錢差唔多 傷風感冒嗰啲普通病大概50000won(港紙350蚊左右) 但唔識韓文既人,小kimbap就唔建議大家去呢啲醫院 大家都知道韓國人既英文水平 到時雞同鴨講,斷錯症就無謂啦 所以建議去旅行既各位都係去返外國人醫院 外國人醫院唔似得韓國人醫院咁睇完醫生要自己出藥局配藥 佢入面已經有藥局,提供埋一條龍服務 價錢雖然係貴,我上次發燒連埋打針加配藥都要一千蚊港紙 但大家出門應該點都有買旅遊保險 只要保留返醫院收據,到時返香港claim返保險就無問題啦 無買旅遊保險既人另計,亦都唔建議各位出外旅行唔買保險 等小kimbap介紹三間近旅遊景點既外國人醫院俾大家,遇上啲咩急事既時候都唔洗咁驚 新村,弘大,梨大區 Severance 醫院 地址：首爾市西大門區延世路50-1 세브란스병원 서울서대문구연세로50-1 診療時間：平日 8:30-17:30、週六 8:30-12:30(每週日公休) 江南區 三星醫院(Samsung Medical Center) 地址：首爾市江南區逸院路81三星醫療院 삼성서울병원 서울강남구일원동일원로81 診療時間：平日 09:00-17:00、週六：09:00-11:30(每週日公休) 鐘路東大門區 首爾大學醫院 地址：首爾市鍾路區大學路101 首爾大學醫院 서울대학교병원 서울중로구연건동대학로101 診療時間：平日 09:00-17:30、週六：09:00-13:00(每週日公休) 小kimbap http://www.facebook.com/iamkimbap *廣告時間* 小kimbap合作韓國代購 Morning Tea ig: morning_teaa Facebook page: http://www.facebook.com/morningteaa
