秋高氣爽最好郊遊，昨日就同班同事去行梧桐寨。對於鬆於運動既我來講，呢段路線不算太難，但回家後，我對腳，背脊就好鬼酸痛。好彩臨訓前，搽左近江兄弟軟膏，今朝好好多。 我地約左十一點係大埔墟火車站，邊食早餐邊等人。到十二點幾齊人就搭 64K 巴士去到梧桐寨站落車。沿途見到好多蝴蝶，仲有好大隻既蟻。 行左一個小時左右便到達井底瀑，我地本來打算先去主瀑，但從其他行山人士口中得知往主瀑及散髮瀑的路被封。唯有轉去中瀑，嘩! 去到已經有好多人係度，有 d 仲係果度游水。 我地係中瀑停低影相食下野，之後再去井底瀑。呢度地方比中瀑大，但論瀑布觀賞度，中瀑比較高。 (中瀑) 我地係跟住呢個網個路線行: http://www.oasistrek.com/ng_tung_chai.php
