去沖繩無論你點怕太陽點唔鍾意游水，你都會忍唔住上天落海一下。由於Missfreckle湊住一家大細，加上早一日酒店既青洞浮潛又只係淨番1230PM呢個時間，所以原本都已經打消左去青洞浮潛既念頭。

咁岩上網見到有優惠價3000YEN浮潛，心諗仲平過酒店Book（酒店叫價4000）所以諗住上網報名博一博，點知佢又真係下午Email Confirm第二日朝早有得玩。

同家姐揸左40分鐘車去到集合點(如果要接送每人要加2000YEN) 去到集合點後超級無敵多人，好彩好快揾到潛水公司.感覺佢地都幾國際化，因為入面有日本人、台灣人同埋香港人，所以語言方面唔使擔心。

一去到，真係感覺到佢地有Heart同埋專業，去到先問番你用開既語言(嘗試幫你揾番可以講到英文/普通話既教練) 同埋講解裝備，包括面罩入水既處理同埋帶面罩著蛙鞋既方法等等，而且上網已經填好鞋既Size﹐所以一去到已經預備好晒合適既鞋同埋救生衣(有近視既朋友仲可以要求有度數鏡片) 。相比起係大堡礁俾set浮潛用具俾你再掉你落水差好遠。不過因為附近水域有水母，所以要著晒全套潛水衣落水。

換好衫之後，教練就會一帶五帶你落水浮潛(同集合點距離五分鐘步程) 3000YEN已經包左用具租借、餵魚同埋有無限相片SEND番俾你(但首先你帶住個Mask都影得靚) 。教練仲有個大水泡，就算唔識游水都可以攬住個水泡浮住睇。

沿途欣賞下啲魚同埋珊瑚，大約浮潛十分鐘左右就會到達青之洞窟，OMG! 個種藍真係唔可以錯過，而教練亦會繼續幫你影靚相教練除左帶你睇魚，仲會話俾你知青之洞窟既小小知識同埋教你點樣先影到最靚既藍色。睇完青之洞窟就可以出番去珊瑚區度餵魚，係沖繩浮潛，雖然魚既種類無大堡礁咁多，但魚既種類都唔小，見到有NEMO、有DORY(笑）仲有好多我講唔出名既魚。咁既價錢去浮潛，Missfreckle只可以說超值。

**非廣告純分享﹐有興趣既朋友可以到https://www.veltra.com/tw/asia/japan/okinawa/okinawa_main_island/報名。

小小reminder：

1. 如果自己去既話，SET GPS既時候記得SET真榮田岫展望台，去到會見到有好多著晒潛水GEAR既人，記住自己個間公司跟住問人集合點就可以。（小編報名個間叫B-NATURE)

2. 盡量簡最早既SECTION(大約8am或9am左右）或者避免係星期六日既時候去，因為一晏左就會好難泊車。當日Missfreckle潛水後大約11點半，目測已經有起碼十架車排緊隊入停車場。

3. 上網既時候可以預先填定鞋既尺碼同埋可以要求有度數既潛水鏡，工作人員會貼心地提早幫你預備。

4. 留意係沖繩潛水都要著全套潛水SUIT同埋蛙鞋，因為一帶既水域都有機會有水母出沒。

成功發佈