第二朝就搭船過唐戶市場食早餐，不過都要食少少嘢先！其實呢隻朱古力好好飲，不過唔知點解罐裝有陣怪味，記得要飲樽裝！ 搭到去門司港就轉船，好靚呀個海！ 點擊圖片放大 終於見到唐戶市場喇，又裝修得幾靚喎！入到去仲見到巨型雞泡魚。 估唔到呢度啲攤檔係畀人自己夾壽司咁得意，全部都好新鮮，好多款，花多眼亂。重點係佢夠平，100yen就有交易，好食到不得了，結果encore咗三次。我男朋友話，啲魚仲好食過築地。 點擊圖片放大 +2 都試咗當地名物雞泡魚刺身，我就麻麻地喇，不過又唔貴，都值得一試嘅。 場內仲有串燒，不過就麻麻地，不過不失啦。正常嘅，漁市場梗係食魚生。 全場唯一一個伏就係呢粒大螺！500yen完全唔平，但一入口就勁苦，要吐返出黎。 食完早餐就去咗行小倉城，不過八阪神社附近就有地方裝修緊，而且更現代化，又有冷氣又剩，個feel怪怪地，搞到有少少美中不足。 點擊圖片放大 行完之後又返咗天神搵食，今次就揀咗呢間食定食嘅。 點擊圖片放大 一個set就多嘢食到影唔晒，其實都幾好食。 其實食完仲有精力，如果日本啲鋪收得晏少少就好嚕。不過無嘢玩，唯有乖乖地返酒店啦。 Follow me ヾ(○´▽｀○)ノ Facebook: 港豬生活點滴． Instagram: flypighk
