自從港島線延長咗之後，多咗好多人去西環搵食，搞到我都心思思想去。結果去果日就落大雨，仲要無帶遮，本身想食嘅都行唔到去食。不過，可能因禍得福，求其行入一間泰國菜小店，但原來都幾好食！ 冬蔭公湯 佢有得揀海鮮，不過男朋友唔鍾意，就要最普通嘅。估唔到佢好足料，每一羹都有菇，辣就唔算好辣，不過佢酸之餘仲甜甜地，幾特別。 軟殼蟹芒果沙律 本身我唔多好泰式沙律，呢個真係超好食，一開始以為係用青芒，但應該唔係，勁香芒果味，芒果絲都有唔少。唯一就係軟殼蟹有少少唔夾，如果用蟹肉撈埋入去仲正。 椰青炒飯 佢有好多椰肉，成個飯甜甜地，好清新嘅感覺，食完咁多濃味嘢，呢一碟飯岩岩可以平衡到，幾好食。 青檸梳打 叫嘅時候仲以為係甜果種，但呢杯基本上完全唔甜，好單純嘅青檸＋梳打水，不過我鍾意有甜味嘅多啲。 其實仲有叫一碟豬頸肉炒雜菜，有成十幾塊豬頸肉，不過未影相就被ＫＯ了。兩個人食咁多其實真係飽到嘔，本身諗住返屋企嗰陣，就見到炭燒雞蛋仔！ 真係好吸引呀，雖然成２０蚊，但都照買，好好食。 另外去到地鐵站附近嘅惠康行下，但呢間竟然有勁多零食，好似阿信屋咁。 食完呢轉之後，決定要擇日重賽，下次想食紫薯窩夫呀～～ Follow me ヾ(○´▽｀○)ノ Facebook: 港豬生活點滴． Instagram: flypighk
