係銅鑼灣等朋友時四周趟下, 行經見到呢間"麻王", 望望menu原來食麻辣野, 呢間店主打外賣, 不過店內都幾有幾個位可以for堂食, 面積好細唔算坐得舒服闊落, 但來個速食都還可接受吧。買左魚蛋邊食邊等朋友,【麻辣魚蛋】HK$10單睇賣相見到紅紅辣椒粉都已經感覺到果種辣, 魚蛋彈牙, 配上面層辣椒粉, 辣度更加提升, 而且果種麻殘留舌尖上, 感覺有d痺, 喉嚨亦辣到開始興。正當享受魚蛋時, 朋友已經抵達, 叫左佢黎餐廳搵我, 點知朋友亦好有興趣食辣, 於是就再order其他試試。【酸菜魚】HK$68魚質很滑很林, 林到幾乎一夾即散, 不過要小心, 因為好多細魚骨, 另有大量酸菜、芽菜、大大片厚切蓮藕墊底。湯底酸酸辣辣好開胃, 配上白飯, 好飽肚。【紅油抄手】HK$30抄手皮索左辣油, 夾集左辣蒜, 惹味香口, 入面雖然唔係好多料, 但都有爽口蝦粒, 口感味道同樣不錯【口水雞】HK$32冷盤口水雞都幾厚肉, 雖然唔算極嫩, 但對比其他款黎講, 呢款相比冇咁辣。【四餸麵】HK$45 (自選麵食+湯底+辣度)揀左: 紅薯粗粉 + 鴨血、肥牛、牛柏葉、魚皮餃 (BB辣)紅薯粗粉滑而且煙煙韌韌, 份量多, 配上BB辣湯底同埋少少蒜, 惹味又開胃, 牛柏葉爽口、鴨血滑滑而有彈性、肥牛索左湯底, 整個配搭很正, 滿足!************************************************麻王銅鑼灣禮頓道106-126號禮信大廈地下4號舖星期一至日: 12:00 - 21:00************************************************平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong
