彌敦道726係其中一座食肆集中地, 幫襯過好幾間餐廳, 都有一定水準。今晚同朋友就到2樓一間食泰菜。早排屋企人食過後評價唔錯, 今晚終於有機會同朋友一試! 餐廳環境開揚, 坐得舒服, 一般大眾泰國菜式都有齊, 價錢合理。 【泰式奶茶】HK$30 奶味偏重, 茶味較淡, 口感幼滑 【醃酸辣鳳爪】HK$78 冷盤去骨鳳爪微辣酸尾尾好開胃, 特別有軟筋連帶, 幾爽口~ 【農夫包咖喱焗海鮮】HK$168 賣相幾有份量, 甜甜咖喱中加入了蛋絲, 淡淡蛋香, 農夫包軟熟, 沾咖喱食一流, 特別係麵包內層索左甜甜咖喱汁, 美味又飽肚。海鮮有兩大隻青口、蝦球、魷魚, 雖然不可說是有鮮味, 但蝦球口感帶爽。 【海南雞飯 （油飯）】HK$78 去骨海南雞皮薄嫩滑, 配上泰式酸甜辣汁同埋薑蓉, 味道更加提升。油飯粒粒分明, 熱辣辣, 帶有油香之餘亦不會過油, 值得推介! ************************************************ 泰屋 旺角彌敦道726號2樓 星期一至日: 12:00 - 23:30 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
