位於旺角東港鐵站相連既帝京酒店, 晚市自助餐質素一向口碑唔錯, 最近推出信用卡優惠, 而且仲有大人小朋友都喜歡既"大富翁”做主題, Buffet點樣同"大富翁"cross-over?! 今晚就約埋親朋好友搞個聚會, 食餐好既! 入座時每人均有一次機會抽"機會卡"去獲取其中一款限定美食, 包括有梅酒冰鎮鮑魚、和牛荷葉包、鮑汁鮮菇花膠扒、籠仔蒜蓉蒸蝦。 人人有獎, 永不落空, 有如玩緊旗盤上的大富翁一樣。 幸運地我地今日人多, 抽到既都集齊到四款, 可以share食! 梅酒冰鎮鮑魚: 冷盤鮑魚甜甜地, 有些少酒香而不澀 和牛荷葉包: 麵包鬆軟, 薄薄既和牛好嫩, 包住蔬菜葉, juicy又香口 鮑汁鮮菇花膠扒: 花膠size巨形, 但膠質唔多, 未有黏口感 籠仔蒜蓉蒸蝦: 大量蒜蓉更能帶出了蝦肉鮮甜, 非常惹味! 自助區都幾寬落, 掛上了大富翁做佈置, 就連地上都貼了大富翁旗盤, 很有趣~ 酒店晚市自助餐分為三個價錢, 分別為兩個時段18:00、20:30(每時段食兩個鐘), 還有是整個時段食足四個鐘! 所以自助區一直都很繁忙, 間中會出現人潮, 但排隊輪候拎野食人龍都好快清到, 而且酒店補給有效率, 唔會出現搶食情況。 冷盤有沙律吧、冷盤海鮮、刺身壽司, 仲有即開生蠔等等... 長腳蟹、海蝦、青口、龍蝦鉗等等....款式多多都係任食! 長腳蟹絕非是浸鹽水質素, 而是食得出鮮甜味~ 海鮮爽口彈牙, 但稍嫌龍蝦鉗冇味。 熟食區款式同樣多, 而最吸引當然係任食龍蝦啦! 以配給形式取, 每人每次獲配半隻, 廚師不停加緊燒, 所以輪候都幾快~ 青胡椒牛油忌廉火灸龍蝦: 龍蝦肉質彈牙, 鮮甜味唔會比牛油忌廉味道所覆蓋, 正!! 香蒜鴨肝伴多士香檳葡萄果醋汁: 同樣是配給即燒系列, 鴨肝表面煎至金黃, 入口即溶, 點驟了葡萄果醋汁, 甜甜酸酸blanace到口中油份, 配上脆卜卜迷你多士, 一流! 另一邊設有燒物, 廚師燒好直接上碟, 更易食到熱辣辣。燒雞翼外皮焦香, 更keep到肉汁 糯米飯雖然很頂肚, 但食左少少, 飯質唔會太乾, keep到少少水份黏性~ 熱盤有一口牛、雞扒、即煮車仔麵、烘麵包等等...但眼闊肚窄, 未有能力食到 飲品方面有自助汽水機、coffee, 同埋侍應沖好既檸水、檸茶 每個時段甜品位都會推出大蛋糕, 面層有大量cream, 廚師會即席表演用火槍燒, 只要聽到搖鈴聲就要快d排隊等分配, 呢款cake每個時段只會出一次。 甜品方面款式更加貼近大富翁主題, 例如印有大富翁樣貌既熱辣辣奶黃包、菠蘿紙杯蛋糕、朱古力劇院蛋糕、楓葉夏威夷果仁花生醬慕絲蛋糕。賣相真係有如棋盤上既大富翁, 做得相當精緻, 就連棋盤既"棋"都係以實心朱古力製成, 很有心思! 個人超喜歡"楓葉夏威夷果仁花生醬慕絲蛋糕", 質地鬆軟軟滑, 花生醬味濃郁。 甜品更有一些小糕點、糖果任食, 款式多多。更有Movenpick雪糕任食, 果然滿足到甜品控! 食物款式應有盡有, 兼有質素, 大富翁主題玩味十足, 加上多款精緻甜品, 大人小朋友都非常滿足! 值得推介~! ************************************************ 花月庭 旺角太子道西193號帝京酒店2樓 ************************************************ 自助晚餐供應時段: 星期日至四、公眾假期: 全時段: 18:00-22:00 第一時段: 17:45-19:45 第二時段: 20:00-22:00 . 星期五、六、公眾假期前夕: 全時段: 18:00-23:00 第一時段: 17:45-20:15 第二時段: 20:30-23:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
