同酒鬼朋友聚舊, 自己又唔識飲酒, 唔想去酒吧, 去居酒屋就最好不過! 有酒飲之餘, 又有串燒食, 滿足到佢, 又滿足到我! 走到尖沙咀有韓國街之稱既金巴利街, 有一間隱世居酒屋, 門面較隱閉, 經過未必留意到~ 店內企理, 設有吧檯 除左有多款日本清酒、酒類飲品, 食物就以串燒做主打 【芝士年糕】HK$38 入口軟棉棉, 中心位有香滑半流心芝士流出, 不過嫌呢個價錢, 只有一件, 份量太少! 【明太子飯團】HK$48 只有手芯般大既飯團, 表面香口脆卜卜, 入面混入左微辣既明太子, 幾惹味 【萵筍雞翼】HK$58 是日廚師推介, 雞翼被拆骨, 塞左三條萵筍入內, 雞翼肉唔多, 但表面煎得幾香脆, 萵筍清甜, 建議點少少鹽吊味, 味道會更好 【雞肉棒】HK$48 雞肉棒中有爽脆軟骨碎增加口感層次, 點上日本生雞蛋汁, 令入口質地更滑, 多了一份蛋香 【白鱔】HK$68 鱔算係幾厚身, 超喜歡個皮燒得好香脆, 鱔肉質林, 但我果件可能近尾位, 好多幼骨, 食既時候要小心 【雞軟骨】HK$38 已被曬上鹽燒, 香口之餘, 軟骨位爽脆, 正! 【雞皮】HK$38 燒得很香脆, 帶些少焦香, 唔會太油 【白蔥黑豚肉】HK$38 豚肉雖然唔太嫩滑, 質地結實, 表面亦曬左少少鹽吊味, 跟白蔥同時入口, 增加了香口~ 【粟米】HK$28 很有驚喜既燒粟米, 栗米唔會燒得太乾, 非常清甜, 正!! 【千兩茄子】HK$46 茄子原來已被去皮, 茄子肉切成一小段一梳梳, 質地好林, keep到豐富既原汁原味, 好清甜~ 加左木耳增加些少鹹香 雖然價錢偏貴, 但質素唔差, 處理串燒掌握得很好, 唔會太乾。 ************************************************ 黑木 尖沙咀金巴利街8號地下2號舖 星期一至日: 17:30 - 01:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
