同朋友做完運動, 係附近搵間餐廳醫醫肚。多年前住過得寶花園, 知道果邊商場人流較少, 價錢比德福果邊平少少, 所以行去得寶商場睇下有咩食, 就發現原來開左間日本菜餐廳, 日系既裝修加上入面既人流幾旺, 就吸引左我地入去試試。 一般既刺身、串燒、炸物、鍋物等....都有供應。 【麻醬蕃茄豆腐沙律】HK$42 滑滑既豆腐配上芝麻醬，夾集蕃茄片同埋沙律菜食，酸酸甜甜很開胃 【北寄貝刺身】HK$98 北寄貝很爽口, 幾大隻, 可惜有少少腥味, 要用檸檬汁蓋一蓋 【辣味鐵火卷】HK$68 其實唔太知點解個名叫"辣味", 但入口完全冇辣味, 雖然每件只有兩小粒吞拿魚, 卷中有青瓜絲, 加上沙律醬, 整體清新而不膩 【串燒安格斯牛肉】HK$32 表面平均掃上甜甜地既燒汁, 肉質林, 很juicy 【免治雞肉軟骨】HK$22 外皮很脆口, 雞肉唔會太乾, 仲有些少軟骨幼粒增加口感, 點上沙律醬更加惹味 【滑蛋吉列黑豚丼】HK$88 滑蛋為半熟, 蛋汁、日款燒汁, 仲有大量既洋蔥, 整個飯甜甜地~ 黑豚肉幾嫩, 還keep到些少肉汁 雖然刺身質素一般, 但每款串燒都很有驚喜, 而且價錢比起銅鑼灣平得多。店內仲有清酒等酒類飲品選擇, 服務亦招呼周到, 令平民化既得寶商場增添一點氣息。 ************************************************ 餐廳名稱：大漁屋台 Address: 牛頭角牛頭角道3號得寶商場地下123號舖 Tel.: 24765188 營業時間： 星期一至日: 11:30 - 15:00; 18:00 - 23:00 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************ 合作/邀請：keresa820@hotmail.com ************************************************
