香港愈來愈多新派港式茶餐廳, 保留些少港式風味, 更加入一些西式食物cross over, 保留香港特色外, 更吸引年輕一派捧場。 今晚放工同媽咪經過呢間餐廳, 係門外看看餐牌, 價錢不貴, 而且全日更免加一, 望入餐廳, 環境氣氛都是清潔整齊。 餐牌內食物款式花多眼亂, 更有抵食晚餐套餐。至於散叫既扒、飯類、意粉等, 都可以另加錢轉套餐, 配搭總有款合心水。 一向喜歡食西餐既我, 估唔到呢度都有扒食, 額外加HK$12配是日餐湯、飲品, 是日餐湯有中西湯兩款選擇, 我就揀左忌廉湯, 比較稀, 味道唔太濃 至於飲品另加HK$6就轉了紅豆冰 原來呢度既紅豆冰不是普通茶餐廳, 加幾粒冰塊那種, 而是碎冰, 將碎冰整散, 飲既時候飲到紅豆外, 仲飲到碎冰, 既解渴又滿足到口感, 整體味道唔太甜, 推介必試! 超大塊牛扒, order了5成熟, 可見牛扒還有些少血水滲出, 牛扒肉汁豐富, 表面灑左少少海鹽, 令味道更加提升。另外配有脆薯角、山葵、栗米、沙律菜, 份量很足, 很飽肚。 【法式芝麻蝦多士】HK$45 蝦多士炸至香脆, 內裡帶點鮮甜略帶彈牙, 表面佈滿芝麻, 點上旁邊既練奶, 甜甜地, 滿滿芝麻香, 其他餐廳比較少有, 同樣是推介!! 蜜味香烤羊架】HK$70 烤羊架烤至金黃, 表面掃左一層薄薄既蜜糖, 一啖咬開, 肉汁多得湧出來, 有淡淡羊羶香, 很正。 【芝士焗肉醬薯角】HK$45 想不到呢個價錢, 份量會係咁大份!! 雖然芝士未能拉絲, 而且芝士味唔算太濃, 薯角都是林的, 好似食緊肉醬薯蓉, 整體甜甜的帶些少微酸。 新派茶餐廳食物款式中西合併, 味道出奇地好吃, 就算開設於旺角地舖, 價錢亦很親民, 而且全日免加一, 值得一試!————————————————餐廳名稱：紅橋Address: 旺角西洋菜南街190-194A號西洋大廈地舖Tel.: 36184537營業時間：星期一至日: 11:00-23:00免加一服務費接受預先訂座: Yes====================【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/blogger/keresawong/ Pixnet: http://keresa.pixnet.net/blog
