一年一度情人節, 新麻蒲BBQ率先推出左期間限定既情人節套餐! 被當中既心形包飯既外觀吸引左, 價錢方面至少不會令我地有"做水魚"既感覺。 於是我地就決定入去食呢個<<情人節2人套餐>>。 套餐包括有三層主食、兩杯指定飲品同埋一個雪花冰。 入座後, 店員先送上多碟韓式前菜、烤肉醬汁同埋生菜, 再注入爐邊蛋。所有配菜都可以無限潻加。 飲品: 西柚果醋/藍天檸檬汽水 我就揀左藍天檸檬汽水, 甜甜地, 有好清新既檸檬味, 邊飲邊食烤肉, 夠哂match! 三層式主食架很快被送上, 暖暖心形紫菜包飯: 為一個常溫主食, 入面既配料包括有蛋絲、青瓜、蘿蔔絲、韓式午餐肉, 入口甜甜的, 配搭清新, 飯質很黏口, 當中混合了蟹籽, 令口感層次豐富。 五花韓牛韮菜卷: 五花韓牛肉質很嫩, 燒既同時, 肉汁滲入韮菜中, 韮菜香加上肉汁, 從內而外都食到韓牛味道, 如果夾集中間既香蔥絲, 味道更加香。 新麻蒲特級牛仔骨+二東特級牛仔骨: 兩款肉質都很林, 同樣鮮嫩, 燒既時候見到血水慢慢滲出 點擊圖片放大 呢款既牛, 牛脂分佈平均, 而且豐富, 牛味很重 最後送上甜品: 糖黐豆雪花冰 本身呢個甜品還有兩支果味雪條, 但暫時未有存貨, 所以今次未能品嚐完整既甜品。 雪花冰打得好幼細, 入口棉棉的, 有淡淡既奶味, 配上Oreo餅碎增加整體味道, 可算是一個完美句號。 情人節唔想破費食太貴, 食餐烤肉亦唔會失禮, 味道亦唔錯, 不防一試!————————————————餐廳名稱：新麻蒲 BBQAddress: 將軍澳坑口重華路8號東港城2樓225號舖Tel.: 34682980營業時間：星期一至五: 12:00-22:30星期六至日: 12:00-23:00公眾假期: 12:00-23:00設加一服務費接受預先訂座: Yes====================Find me on Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/blogger/keresawong/ Pixnet: http://keresa.pixnet.net/blog
