提早一家人慶祝父親節, 爸爸一向中意食放題, 可以一個價錢, 食到多款野食, 保證個個食得飽。我係OPENRICE查到呢間相撲手日式放題有生蠔食, 而且評價亦唔錯, 所以就預先BOOK定位係父親節前一晚一家人一齊去大吃一番。 店內設大量卡位, 8點多, 店內已坐滿九成食客。 店員先給我們一張Order紙, 生蠔限最多每人兩隻, 生蠔以冰墊底, 雖然我唔食生蠔, 但爸爸大讚新鮮, 而我更聞到好重既海水味。 click完order紙, 我就出去自助吧拎野飲, 野飲以罐裝汽水同埋韓式飲品為主, 更有提供啤酒。 唔飲凍野更可選擇熱水、熱茶 返位後, 部份熟食已經好快上檯: 羊架 不帶肥油, 只有淡淡羊羶味, 肉汁豐富, 而且很林 天婦羅 即叫即炸, 表面脆口, 隻蝦略帶點爽 鐵板燒物 赤豚露筍卷 汁醬包住豚肉, 少少辣, 很惹味 串燒 蝦、牛舌 呢度既牛舌林度剛剛好, 燒後亦唔會好乾身 壽司 呢度有多款創意壽司, 唔係周圍都可以食到, 每件壽司都細細件, 食多幾件都唔會咁易飽 刺身 超過十款, 每款刺身都很新鮮, 完全沒有雪味。第一輪order既部份三文魚為腩位, 有豐富魚油味, 而普通既三文魚魚油味雖不比腩位, 但厚切滿足到口感。赤蝦更很肥美; 食多幾款刺身肯定好易回本! 點擊圖片放大 +3 食到中段, 侍應送上燉湯, 說是非order, 而是餐廳主動送出, 呢個湯真係好清甜~ 最後就到甜品時間, 不過呢度既甜咕款式較少, 只有雀巢雪糕; 另外更有餐廳送出每人一小碟椰汁糕。 任飲任食兩小時, 如果一心想食刺身、創意壽司, 呢度可算是一個唔錯既選擇! - 【入座時間分段收費】 星期日至三: 5:30-7:30: HK$208/位 6:00-10:15: HK$268/位 9:30後入座: HK$208/位 *星期四至六,公眾假期,假期前夕以上價錢加HK$30/位 ———————————————— 餐廳名稱：相撲手日式放題 Address: 尖沙咀寶勒巷6-8號A盈豐商業大廈2樓全層 Tel.: 3188 0447 營業時間： 星期一至日: 18:00-00:00 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================
