媽咪一直想試下香港既浜燒, 今日放假一齊去銅鑼灣Sogo shopping, 事前特意為她製造驚喜, book左Sogo附近樓上舖既"漁獲浜燒"食dinner。

餐廳面積很細, 假日九點左右, 餐廳內已經坐滿客人, 幸好我有事前BOOK位, 不用等位就可以直入。

雖然呢度主打浜燒, 但同樣亦供應刺身、沙律、手卷、炸物、鍋物等日式食物...當然今次黎必定多ORDER呢度主打既海鮮浜燒啦~
呢度既浜燒仲會有專人係面前燒ga....滿足飽肚既同時, 更滿足埋視覺。

先送上當晚既前菜 --【細芝麻鹽醬椰菜】HK$20

椰菜為凍食, 很爽脆清甜, 加上平時食芝麻8爪魚既汁, 甜甜地, 仲帶微辣, 很醒胃。

【池魚刺身】HK$298

池魚被切成有一定既厚度, 入口帶點爽, 配上秘制既汁, 有少少薑同埋香蔥, 令味道更加鮮。
最後廚師仲將池魚既骨炸到脆卜卜...再加左少少鹽吊味, 大部分既骨都可以食埋tim~

【刺身盛盒(5款)】HK$408

刺身都為厚切, 絕對滿足口感。刺身包括有牡丹蝦、生吞拿魚、油甘魚、三文魚同埋馬糞海贍。牡丹蝦超級肥美, 很鮮甜無比! 三文魚雖然不是腩位, 但依然有很香既魚油味。而我最愛既絕對係呢度既馬糞海贍, 海膽絕對沒有半點腥臭, 入口即溶, 沒有甘, 極之鮮甜! 令人回味!!

【特製黑松露灸燒平目魚邊沙律】HK$138

沙律size很大碟, 送上檯時都聞到好重既黑松露味。平目魚邊略為燒過, 迫出豐富既魚油, 令整個沙律增添不少味道。

【味噌蟹甲羅燒(配多士)】HK$78@1

甲羅燒絕對唔係間間整得好食, 好多時都燒得太乾, 如果加上味噌, 味道會極之鹹。
但黎呢度絕對係值得一試味噌蟹甲羅燒! 味道調教得剛剛好, keep到水份, 雖然加左味噌, 但味道唔會太鹹。蟹膏味什濃, 最後加上脆麵包糠, 配上脆多士食, 簡直絕配!!

【白鱔】HK$138

白鱔燒過後掃上燒汁, 其實跟燒鰻魚一樣, 燒後肉質仲keep到原汁原味, 沒有因為被燒後而流失水份, 皮既位置更帶點脆。

【森之惠菇菌盛合錫紙燒】HK$88

錫紙包住黑松露、冬菇、啡菇、金菇同埋本菇一齊燒, 當燒到差不多熟時, 店員剪開錫紙, 散發出很重既黑松露味, 入面既菇燒後依然有很多汁。黑松露同菇菌味很濃。

【魷魚】HK$78

原隻魷魚送上爐燒, 店員先加左少少鹽係表面吊味, 再噴左少少水,

係爐面燒既同時, 更用火槍係表面燒, 令魷魚更快可以熟, 而且有360度平均既溫度。

之後店員再將魷魚剪成一圈圈, 燒後魷魚質感唔會太硬咬唔開, 反而仲帶爽tim~

【珍寶大蝦】HK$148

隻蝦大隻得幾乎有爐面咁長, 又大隻又肥美。店員將蝦燒至全熟, 再送上三色汁醬比我地吊味, 隻蝦很爽而略帶點甜, 如果點辣味噌醬, 味道又會重一點。

【鮑魚】HK$98

新鮮鮑魚係燒既過程中仲識郁, 非常新鮮! 店員將鮑魚燒成8成左右熟, 令食落口感帶爽口, 可以食到原汁原味既鮑魚。

最後當然有甜品為呢餐dinner畫上完美句號, 我同媽咪各點了一款,

【柚子雪糕】HK$58

味道酸味味, 柚子味很重~

【蕃薯雪糕】HK$58

而我就唔太好柚子, 所以就揀左呢款蕃薯雪糕。蕃薯味同樣很重, 甜度岩岩好, 出面好少可以食到!!! 絕對值得推介!!

呢度主打既海鮮浜燒果然名不虛傳, 每款都很新鮮, 服務亦招呼周到, 有機會一定會再來~~

————————————————
餐廳名稱：漁獲浜燒
Address: 銅鑼灣軒尼詩道525號澳門逸園中心18樓
Tel.: 2575 5677
營業時間：
設加一服務費
接受預先訂座: Yes
====================
Find me on
Facebook/Openrice/UBlog: Keresawong.L.S
====================

成功發佈