我地特登係中環搵左間門面較為有氣派既中菜館同公公食餐生日飯! 本身自己唔太好去中式酒樓, 一般酒樓環境都過於嘈雜, 而且座位比較窄, 相反入到去, 呢度既環境清幽, 裝修典雅。檯面放著中式古典餐具, 更顯高貴。 今晚媽咪發板, 為公公點左幾款佢至愛既菜式。菜式均由侍應一碟碟地送上, 唔會一次過黎哂, 令我地可以慢慢地逐一品嚐美食, 免得錯過食用時最佳溫度。 【涼伴海蜇頭】HK$180 賣相很精緻, 跟一般平時食開既一條條海蜇有所不同。外形好像花瓣般大, 媽咪話呢種叫海蜇頭, 係海蜇既上等位置, 成本較高, 很少係出面可以食到。 海蜇頭以常溫上碟, 口感超爽, 沾左D汁, 味道鹹鹹地, 酸酸地, 再有少少辣… 是一道很讚、很開胃既前菜。 【脆炸九肚魚】HK$90 炸皮好薄, 九肚魚嫩滑而且好林, 灑左d蒜辣椒粒係炸皮表面, 食起上黎不油膩。 【四川麻香烤老虎班】HK$680 老虎班上檯已見魚鰭升起, 可見老虎班有幾咁新鮮。以四川麻辣做調配, 底下有薯粉墊底, 老虎班經炸過, 能鎖住肉汁, 麻辣味沒有完全cover魚既鮮味, 反而魚皮索左d辣汁, 辣味係口中慢慢滲出… 魚既肉質較實, 而且嫩滑~ 【石窩海味撈粗麵】HK$320 以石鍋盛住, 送上檯時已見麵放得滿滿, 沒太多湯汁, 配料比較少, 有東菇絲、海參絲、鮑魚絲, 所以食落其實沒什麼口感, 不過粗麵索左d湯, 很入味, 而且湯底少少骨膠元, 較為黏口 【脆皮炸子雞】HK$280/半隻 自己好中意食炸子雞, 每次食中菜定必order! 炸子雞外皮金黃香脆, 沒有肥油連住, 肉質嫩滑, 還帶少訐juicy…. 最後當然係甜品 我地點左兩款 【椰汁馬豆糕】HK$56 椰汁味好重, 口感滑, 馬豆一D都唔硬, 少少甜, 唔錯! 【椰絲紅豆卷】HK$56 帶點煙韌, 少少甜 整體黎講, 呢度無論環境、服務、食物質素都係一流, 家人都讚口不絕, 值得一試!! ———————————————— 餐廳名稱：中華匯館 Address: 中環士丹利街13號地舖 Tel.: 2595 0808 營業時間： 星期一至日 12:00-15:00 18:00-23:00 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================
