位置尖沙咀既焱丸水產---主打爐端燒既日本餐廳。 呢度環境氣氛好有日本feel, 平日晚7點多, 店內人流愈黎愈多, 至8點多, 門外更開始多人等位。 每張檯上都有爐端燒既爐、用具同埋多款醬料。 我地坐低後急不及待點左D刺身同埋幾款爐端燒燒物試試, 原來呢度既爐端燒係全程有人係面前幫我地燒ga!! - 個人推介: 【蟹味噌甲羅燒】 HK$68 之前係放題食甲羅燒, 唔係過鹹就好乾, 但呢度有專人協助我地燒, 時間同味道都掌握得剛剛好, 平均食到甘鹹蟹膏味同味噌, 沒有燒焦乾身質感, 濕濕既蟹膏中更混合了蟹籽, 豐富了口感!! - 【南瓜蟹肉甲羅燒】 HK$68 南瓜味很出, 同樣混入蟹籽, 不過因為蟹籽口感同南瓜味較突出, 所以唔覺食到有蟹肉。 點擊圖片放大 +2 - 【鮑魚殼燒】 HK$136 點擊圖片放大 +3 鮑魚送上黎既時候仲見到隻鮑魚郁ga!!! 超級新鮮!!鮑魚都幾大隻, 店員仲細心幫我地將鮑魚既殼同內臟剔走。鮑魚唔會燒得好乾身, 入口爽口鮮甜。 【刺身5盛】 HK$280 刺身主要都為厚切, 而且超級新鮮!! 海膽入口即溶, 魚類刺身更是肥美, 正~ 【松葉蟹膏天婦羅】 HK$98 炸過後表面亦唔會油膩, 中間夾左較濃味既松葉蟹膏, 甘甘甜甜 【松葉蟹膏帆立殼燒】 HK$80 大大隻帶子、鮮菇片、秋葵、蟹子、蟹膏、牛油, 燒既過程中加入左少少鰻魚汁, 味道鮮甜濃郁, 帶子索左D汁夠哂入味, 帶子群邊亦很爽。 【海膽帆立貝殼燒】 HK$85 呢款殼燒反而比上一款落少左鰻魚汁, 免得COVER左海膽本身既味, 如果中意食海膽既朋友, 不防試試呢款 點擊圖片放大 +4 【烏賊磯燒】 HK$58 點擊圖片放大 +2 比手掌更大既魷魚, 店員係燒既過程中多次掃上燒汁, 令魷魚係燒既過程中唔會令水份抽乾, 而且更可帶出魷魚本身既鮮味。剪好一個個魷魚圈, 方便我地食用。口感很爽, 沒有扯不開的感覺。 【青蘋果颱風乳酸】 HK$68 青蘋果果肉佔左1/3杯, 乳酸甜甜地, 青蘋果味幾出, 很有清新感。 整體無論環境、服務、食物質素都係一流!!值得一試~! ———————————————— 餐廳名稱：焱丸水產 Address: 尖沙咀棉登徑23號華楓大廈地下5&6號舖 Tel.: 2654 8200, 2651 9400, 6962 1398 營業時間： 星期一至三 12:30-15:00 18:00-00:00 星期四至六 12:30-15:00 18:00-02:00 星期日 12:30-15:00 18:00-00:00 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================
