約左多年冇見既舊同學出黎聚舊, 地點最方便大家一定係旺角! 但好多食肆都限時交檯, 所以我地搵左樓上cafe, 可以舒舒服服暢所欲言咁邊食邊傾。 今晚去左間旺角新開既樓上cafe, 雖然係舊樓, 而且上去cafe時要搭lift上3/f, 再從後樓梯落一層先可以到, 但cafe內既環境都比到種整潔同舒適感覺比我地。Cafe內設大量布沙發, 可以懶洋洋咁躺著等食! 呢度仲提供唔少康樂game之類, 岩哂一大班人上黎玩。 我同朋友揀左個二人餐, 有湯、野飲、兩個小食同一個主食share食。 【二人餐】HK$168/位 先來兩個南瓜忌廉餐湯, 個湯好杰, 杰得似BB食既糊仔咁, 份量只有半碗, 味道好濃, 濃得有點過鹹, 如果加多D水令份量為一碗, 味道反而比較好。 凱撒沙律 新鮮沙律菜加上芝士粉、麵包脆粒同埋紅色一粒粒既脆, 食落口感豐富又清新 焗青口 原本ORDER白酒青口, 點知缺貨, 冇得揀之下又係揀焗! 芝士焗得唔會乾身, 係幾JUICY, 不過呢款味道都係過鹹~ 芝士焗大啡菇 呢款反而給我們帶來驚喜, 終於唔會過鹹, 而且超級JUICY…. 芝士份量剛剛好, 唔會咁快濟 吞拿魚芝士忌廉焗長通粉 雖然芝士沒有拉絲, 但味道好濃郁, 長通粉略帶點硬身, 而且吞拿魚份量都幾多, 唔錯! 餐飲包MENU上 HK$36內既飲品, 凍飲就要再加$2, 就連梳打因為冇熱飲關係, 所以都係要加HK$2 呢個二人餐唔包甜品, 如果想叫甜品就要額外每人加HK$25。 我地就已經飽lu…所以冇加。 整體黎講除左個湯同焗青口過鹹之外, 其他野食都唔錯, 服務都幾好…有主動提供暖水比我地餐後慢慢傾下計, 座位又夠舒服, 都係一個聚舊閒聊好地方。 ———————————————— 餐廳名稱：心選 Address: 旺角豉油街21號昌記大廈2樓B號舖 Tel.: 2388 1655 營業時間： 星期一至日: 13:00-00:00 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================
