上星期海鍋上過TVB節目, 明星效應下驅使我今晚相約朋友前去一試。離尖沙咀港鐵站大約兩分鐘路程, 交通非常方便。 海鍋設於樓上舖, 店內裝修別具貴氣, 檯面都以雲石為主。 海鍋中午會提供小菜熟食等, 而晚上主打火鍋。 呢度沒有茶芥、前菜收費, 只收醬油每位HK$15。醬油配料有九款自由選擇: 湯底款式多多, 有十多款選擇。價錢由HK$78-HK$238不等, 我就揀左相對比較平而又有特色既湯底。 【檳城喇沙湯鍋】HK$88 湯底味道香濃, 少少辣, 很惹味。 【手切肥牛】HK$188 肥牛色澤鮮紅, 唔係雪左好耐表面有雪果種質素。肉質鮮嫩~ 【炸響鈴】HK$48 最有驚喜而又與眾不同莫過於呢度既即炸響鈴, 係必食之選!!! 特大響鈴SIZE比手掌還要大, 即叫即炸, 輕輕夾住浸落湯底時, 細細力一壓, 響鈴脆得斷開兩截。 浸三秒即起, 吸左湯底味道, 還食到淡淡既豆香味。 【鵝肝蝦丸】HK$45 (半份) 蝦丸食得多, 加埋鵝肝一齊食都係第一次。蝦丸鮮甜彈牙, 中心位有少少鵝肝, 雖然份量唔多, 不過味道原來幾夾 【自家製原隻鮮蝦雲吞】HK$45 (半份) 即叫即包既鮮蝦雲吞, 皮薄餡靚, 入面真係有原隻既鮮甜蝦ga!! 果然真材實料~ 呢度既每款火鍋配料都很新鮮, 而且服務招呼周到, 會主動為我地加湯。而最令我回味就係呢度既即炸脆口既特大響鈴, 黎到必定要試試啊!!! ———————————————— 餐廳名稱：海鍋手工涮涮鍋 Address: 尖沙咀加拿分道16號金輝大廈2樓 Tel.: 2886 9608 營業時間： 星期日至一: 11:00-01:00 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================
