來自遠方既朋友黎香港旅遊, 入住尖沙咀既粵海酒店, 今晚大家相約係呢間酒店既一樓雪花和牛刺身專門店食Dinner。 可能新開既關係, 沒有太多食客, 可以靜靜地享受返餐dinner... 店內裝修比較樸素, 設有大部份卡位, 座位舒適。打開menu, 除左和牛外, 仲有各款刺身、壽司、拉麵、飯類、串燒、各款酒類等等...價錢同一般酒店既差不多, 而我地今晚就點左幾款試試。 【三文魚刺身(4片)】 HK$68 三文魚為厚切, 凍食而且好新鮮 【流心火山A5和牛飯】 HK$198 話明呢度出名食和牛, 黎到點少得點和牛系列其中一款既和牛飯。 A5和牛飯賣相果然同火山外觀差不多, 兩大片薄切和牛圍住白飯, 白飯面有半熟既流心蛋。 A5和牛沾左黑椒汁, 汁醬味道唔太濃, 冇覆蓋到和牛本身既牛味, 肉質較滑, 好林...因為有半熟既流心蛋汁, 所以整個飯較為濕潤。 【牛肉手打稻庭烏冬】 HK$88 湯底清甜, 係幼條烏冬, 口感好滑, 麵質同牛肉偏林, 索左少少湯底, 仲有半隻流心蛋tim~ 整個烏冬較為清... ———————————————— 餐廳名稱：雪花和牛刺身專門店 Address: 尖沙咀寶勒巷18號香港粵海酒店1樓 Tel.: 2600 1188 營業時間： 2887 8488 設加一服務費 接受預先訂座: Yes ==================== Find me on Facebook Page▸ www.facebook.com/keresawong/ Instagram▸ https://www.instagram.com/keresawong.l.s Blog▸ http://keresa.pixnet.net/blog Openrice▸ Keresawong.L.S ====================
