【150分鐘任飲任食放題】HK$278/位 (另收加一) 同事介紹, 得知呢間放題出名食物質素好, 而且晚晚都幾乎爆滿, 所以我提早幾日book定位, 帶家人一齊去試試。每晚分為兩個時段, 第一個時段結束後, 餐廳會全面再整理一下, 再款待第二批客人。今晚我同家人都選擇第二輪時間, 晚上九點正入座, 店內座位都幾多幾密, 但唔算好迫, 空間可以接受, 而每張檯都放上一個磯燒爐, 幾款磯燒既調味品。呢度係以平底電腦落Order, 而野飲、沙律、部分熟食、甜品都係自行到出面吧檯拎。 野飲款式都以罐裝為主, 至於紙包熱飲亦有提供 呢度既食物款式眾多, 種類包括有刺身、壽司、手卷、沙律、燒物、天婦羅炸物、磯燒海鮮、磯燒蔬菜等等... 特色壽司每件都細細粒, 一啖一件 Order左既野食未到, 當然分秒必爭出去睇下有咩熟食, 最後拎左野飲同少少熟食返位試 熟食既賣相、味道一d都唔馬虎, 魷魚唔會太硬咬唔開 等左一陣, 待應已經為每一檯送上呢算磯燒海鮮, 份量以人頭計, 呢盤海鮮只限一次性送上, 如果想追加order就要額外收費 當我地等個爐熱既時候, 見到旁邊有個指示notice, 標明每款海鮮既磯燒黃金時間, 正當打算將海鮮夾上爐面時, 就聽到一把似係周星馳聲音既中央廣播, 清晰咁提示全場食客如何燒呢盤磯燒海鮮。 呢盤一次性既磯燒海鮮包括: 甲羅蟹殼、鮑魚、扇貝、蟶子、生蠔 每款海鮮都大大隻, 好新鮮 甲羅蟹殼係燒之前將蟹蓋上既攪拌, 燒好之後, 會形固食半固體質感, 味道有好香既蟹膏味, 味道好濃郁, 偏鹹 最最曼正係呢隻鮑魚, 好大隻!! 而且厚實, 入口帶點爽口煙韌, 更帶點鮮甜味 蟶子大大條, 爽韌無比 呢度以平版電腦落order, 所以order送上檯除左冇漏單之前, 送黎既效率都幾快~ 食放題當然一定要order盤刺身啦, 刺身以冰墊底, 色澤新鮮, 完全沒有腥味, 三交魚為厚切, 象拔蚌同北寄貝好爽口, 甜蝦大隻而且鮮甜。 焦糖芝士三文魚腩壽司 - 一向都好中意食三文魚腩, 因為肥美而且有豐富既魚油味, 而呢度更加上芝士同焦糖, 令整件壽司更為與眾不同! 三文魚腩火灸後迫左大量魚油出黎, 加上表面熱溶既焦糖, 口感一粒粒, 少少甜, 值得encorn!! 海膽手卷 - 手卷以迷你size上檯, 細得可以一啖一個, 食多幾款都唔會怕太快飽, 海膽偏甜, 冇腥味~ 但如果想食海膽刺身, 就要額外比錢了 泰式生蝦 - 爽口, 味道酸酸地又帶少少辣, 味道幾正宗 芝麻雞翼 - 表面乾身, 內裡juicy, 表面有大量芝麻, 香口又香脆, 正!! 天婦羅蝦 - 即炸, 炸皮薄而脆, 入面整蝦都幾爽 食到中段時, 待應又再為每檯送上呢個煲同食材, 餐廳又再開咪教我地點煮呢個象拔蚌湯飯 全場都跟住一齊做, 打破平時只會order黎食既傳統, 每檯食客都參與其中, 氣氛幾好.... 湯飯滾起後我打左個蛋花落去, 似模似樣, 很有滿足感。湯飯味道甜甜地, 似食緊麥皮既口感 當然我地亦有order幾款可以無限潻加既磯燒食材, 包括海蝦、刀貝、黃金貝、螺、牛油粟米同埋金菇 很有戶外BBQ既風味 放題結束前45分鐘左右, 全店又再開咪通知大家最後落單時間, 令食客更清楚地把握時間落ORDER~ 最後, 我就打開另一個胃, 開始食甜品。 除左出面有各款雪糕甜筒、雪條外, 我就係出面拎左兩個意大利奶凍返位試試, 一試便即愛上!! 超級香濃既牛奶味, 而且香滑得入口即溶, 好食到食完之後Encorn左幾次tim~~ 而落order既就click左呢款雪蛤燉蛋, 呢款為熱食, 好種既雞蛋味, 口感同樣好滑, 少少甜, 正啊!! 整體黎講, 食放題最緊要係冇漏單、上菜速度快、款式多、食物質素好, 呢度都齊哂主要既條件。另外, 服務都好周到, 特別係磯燒食物時, 待應經過都會上前幫手睇下食物有冇燒過龍, 收碟效率都好快, 唔洗密密食, 吉碟阻住張檯位置令我地食得狼狽, 有機會必定約朋友黎再度encorn!! ------------------------------------------------- 餐廳名稱：御前大江戶日式料理 Address: 觀塘觀塘道414號1亞太中心8樓 Tel.: 755 5328, 2755 5728 營業時間： 星期一至日: 12:00-15:00; 18:00-23:30 設加一服務費 接受預先訂座: Yes ============================== Find me on Facebook Page▸ www.facebook.com/keresawong/ Instagram▸ https://www.instagram.com/keresawong.l.s Blog▸ http://keresa.pixnet.net/blog Openrice▸ Keresawong.L.S
