今晚約左表姐打邊爐, 佢話想食d特別d既湯底, 唔想太肥膩, 清清地, 健康既比較好! 立即諗起之前經過油麻地呢間火鍋專門店, 當中有個招牌花膠鯊魚骨膠原湯鍋, 一提到花膠, 必定係女士既恩物~ 所以今晚同表姐前去一試! 除左呢個滋補湯底, 更有多款湯底/雞煲選擇, 岩哂想食唔同口味既湯底朋友選擇 至於飲品方面, 啤酒、汽水等都有提供 宜家like呢間餐廳既facebook page, 再share佢地page既短片, 仲有小食送tim... 首先, 我地先自由混醬, 醬油費每位HK$10。 本身想食呢度既牛魔塔, 但老闆話呢個塔份量比較多, 係四人份量, 唔建議我地兩個女仔食, 反而提議我地ORDER個細既牛試試。另外更推介幾款小食, 當中我地ORDER左其中一款係外面食店比較罕見 【蟹籽墨魚油炸鬼】HK$58 油炸鬼即炸, 釀左墨魚膠同蟹子, 咬落去先食到油炸鬼既脆口感, 再食到比較彈牙既墨魚膠同豐富口感既蟹子。值得一試!! 好快個湯底已經奉上, 【招牌花膠鯊魚骨膠原湯鍋】HK$168 (送甘香泡飯) 單睇湯底賣相, 沒有平時係出面打邊爐湯底面上既一層油, 先飲一啖, 第一個感覺係”很有家的味道”, 同平時係屋企煲既花膠湯差不多味道, 很清甜!! 再看看湯底中發現有大量既花膠、鯊魚軟骨、雞腳同埋豬手, 夠哂足料!!!而附送既甘香泡飯, 非常乾身, 似飯焦咁, 脆卜卜~ 店員建議先將湯底加入甘香泡飯中, 可因個人喜好想食脆定林既泡飯, 自行控制浸林既時間。 【頂級安格斯牛頸脊(小)】HK$168 色澤鮮紅新鮮, 雖然order左個細size, 但份量都幾多, 每塊牛厚薄均一, 有一定既厚度, 食落口感唔錯, 肉質鮮嫩, 牛味幾重 【鮮肥鵝腸】HK$78 鵝腸果然係好夠肥, 大量肥膏連住, 不過除去肥膏後, 鵝腸卻很夠爽口! 【自家脆響玲卷】HK$38 響玲唔算脆, 但沒有油益味, 浸落湯底, 能食到湯底既精華味道 整體黎講, 很喜歡呢度既招牌花膠鯊魚骨膠原湯底, 出面比較少有, 好少可係家以外既地方食到餐健康既火鍋湯底, 而且非常足料。唔錯~~ ------------------------------------------------- 餐廳名稱：喜鍋 海鮮‧火鍋‧小廚 Address: 旺角上海街428號地舖 Tel.: 2766 1378 營業時間： 星期一至日: 18:00-03:00 設加一服務費 接受預先訂座: Yes ============================== Find me on Facebook Page▸ www.facebook.com/keresawong/ Instagram▸ https://www.instagram.com/keresawong.l.s Blog▸ http://keresa.pixnet.net/blog Openrice▸ Keresawong.L.S
