同朋友一致決定去打邊爐, 但到揀湯底時意見不合?! 朋友想食清淡湯底, 而我就中意濃味湯底, 第一時間諗起尖沙咀The One對面既一人一鍋火鍋店 湯底款式各有特色, 每款更配不同既豐富火鍋配料, 每個火鍋更配一個白飯, 再跟一杯HK$18既餐飲 (可補差價選擇其他飲品), 所以一定夠飽~! 今晚我同朋友各人都order左一個唔同湯底既火鍋。兩款火鍋既味道都大大不同。火鍋食材除左黑豚肉外, 其他已預先煮熟8成左右, 上檯時稍為再滾一下就可以食! 【忌廉龍蝦湯窩】HK$98 呢款湯底較為濃郁, 將生雞蛋攪拌成蛋花, 淋少少湯底落白飯度撈飯食, 更加開胃。火鍋配料亦很豐富, 包括: 黑豚肉、娃娃菜、金菇、粟米、鮮茄、雞蛋蝦、芝士龍蝦丸、秀珍菇、花枝丸、蜆、貢丸、粉絲。 黑豚肉肉質嫩口, 至於娃娃菜同埋粉絲, 吸左湯底既精華, 超正!! 飲品方面我就額外加左HK$10飲珍珠奶茶, 奶味較重, 很有台灣風味~ 【海鮮豆腐窩】 HK$108 至於呢款湯底味道較為清甜, 火鍋配料包括腐皮、黑豚肉、娃娃菜、金菇、粟米、粉絲、雞蛋、嗚門卷、蝦、墨魚仔、斑片等等.. 腐皮、娃娃菜、金菇同埋粉絲吸收晒湯底既味道, 食落去好清甜~ 蝦既味道keep到鮮味同爽口, 絕不是死蝦!!!墨魚仔有兩隻, size幾大隻, 唔會實到咬唔開~~幾爽~ 我就加左HK$4轉飲芒果紅荼 好重既芒果味, 甜甜地, 好似飲緊水果茶咁, 唔錯~ 我地仲以首次追加價錢HK$22加左碟肥牛試試, 色澤鮮紅新鮮, 不錯! ------------------------------------------------- 餐廳名稱：熱點 Address: 尖沙咀加連威老道18號地下B舖 Tel.: 3702 0019 營業時間： 星期日至四: 18:00-23:30 星期五、六及公眾假期: 18:00-00:00 設加一服務費 接受預先訂座: ============================== Find me on Facebook Page▸ www.facebook.com/keresawong/ Instagram▸ https://www.instagram.com/keresawong.l.s Blog▸ http://keresa.pixnet.net/blog Openrice▸ Keresawong.L.S
