去九龍城食泰國菜, 我必定第一時間諗起小曼谷!! 較早前食過後都介紹左唔少同事去食, 個個都讚口不絕! 今日就帶一向對食好有要求既表弟黎試下, 分別order左之前黎食過覺得黎到必要encorn既款式 , 同埋我之前未食過既款式試試~ 【青檸菠蘿沙冰】HK$36 青檸加菠蘿夾埋一齊飲, 味道酸酸甜甜, 幾特別! 幾開胃, 而且可以解辣~~ 【椰皇沙冰】HK$32 甜甜地既椰汁味, 每啖都飲到好幼細既椰絲 【原隻鮮魷魚筒釀糯米飯】HK$168 睇Menu見到呢款係推介之一, Order之前仲擔心魷魚燒過會唔會太硬咬唔開, 既然係推介之一, 不防Order黎試試。 原條魷魚筒內塞滿糯米飯, 魷魚筒表面有炭燒香同埋少少鹽帶出鮮味, 果然咬落去魷魚唔硬, 而且帶爽, 唔會太乾身, 而入面既糯米飯飯感較為黏口而且入味, 比預期中更好食! 【冬蔭公湯(細)】HK$128 每次食泰國野我定必叫冬蔭公, 呢度既冬蔭公都有幾款選擇, 而我就Order比較傳統既冬蔭公湯, 有分大細SIZE, 呢個為細size, 有4飯碗既份量, 入面有兩隻好爽口而又大大隻既虎蝦、秀珍菇同埋大量香料, 味道近似泰國既地道冬蔭公, 酸辣度刺激到味?, 令人有飲完再想飲既感覺, 所以黎咁多次, 我都必定encorn!! 【泰皇咖哩炒大蜆】HK$148 另一必定要order既仲有呢度既咖哩!! 呢度既咖哩係唔辣, 而係有好濃既椰奶香, 今次我就揀左配大蜆, 每隻蜆都比$5硬幣更大 入口好爽口, 帶點咬口, 而且蜆係冇沙, 加上香濃既咖哩, 食得律律有味!!正!! 【泰式原味烤薄餅】 見仲有咁多咖哩, 於是order多個烤薄餅黎沾咖哩食埋佢, 烤薄餅好乾身, 冇油膩感, 而且表面有好香既炭香味, 略帶脆, 所以Order咖哩系列既話, 除左可以order個蒜蓉包黎點之外, 呢款亦係一個唔錯既選擇! 最後, 老闆仲送左個甜品比我地試試.... (左)椰汁西米糕 (右)泰式千層糕 兩款都係甜甜地, 前者口感香滑, 後者比較煙韌 整體黎講呢度既野食水準都一直Keep得唔錯!! 連今次同行既表弟都話終於明白我多次encorn黎呢間食泰國菜既原因, 仲話必定要找機會介紹多d朋友黎分享美食咁話~~~ ------------------------------------------------- 餐廳名稱：小曼谷海鮮燒烤屋 Address: 九龍城太子道西398號御太子地下1-3號舖 Tel.: 2716 7868 營業時間： 星期一至日: 11:30-01:30 設加一服務費 接受預先訂座: Yes ============================== Find me on Facebook Page▸ www.facebook.com/keresawong/ Instagram▸ https://www.instagram.com/keresawong.l.s Blog▸ http://keresa.pixnet.net/blog Openrice▸ Keresawong.L.S
