今晚陪朋友去朗豪坊睇眼鏡, 先知道原來呢間眼鏡舖相連既有間cafe, 望望餐牌見價錢唔貴, 就決定同朋友係度食埋dinner~ 佢可以係隔離慢慢睇眼鏡, 我就慢慢邊等佢,邊嘆dinner~ 我地order左幾款小食、主食、飲品同埋甜品share食, 原來呢度既野食份量都唔少。 首先我地order左個SET, 呢個SET仲跟埋野飲: 【蕃茄蟹肉溫泉蛋意粉】HK$68 (SET) 中間擺放左隻溫泉蛋, 意粉上面佈滿左唔少蟹子, 細細粒增加口感。蟹肉絲既份量相等於意粉, 食每一條既意粉都帶有蟹肉絲, 正! 意粉林度岩岩好, 份量多, 蕃茄味道不會太酸, 好開胃, 飽肚之餘又抵食! 仲跟埋餐飲tim~ 松柏嶺四季春 (跟餐既飲品) 味道帶少少苦味 好似飲緊濃味既茶甘 有熱同凍選擇 【神奇果菠蘿】HK$65 超級中意食菠蘿既我, 見到有一飲品係原個菠蘿上, 就當然要一試啦!! 原個菠蘿入面有滿滿既菠蘿汁, 入面仲有被打成菠蘿蓉, 飲既時候除左飲到汁之外, 仲有豐富既果肉, 味道較為天然, 中意菠蘿既朋友, 必要一試! 【黑松露溫泉蛋卡邦尼意粉】HK$68 呢個意粉既林度同樣岩岩好, 而且份量幾多, 同樣都有溫泉蛋係面, 輕輕一吉, 蛋黃就輕易湧出, 將佢平均咁撈起, 意粉極之juicy, 黑松露味唔太突出, 有唔少煙肉同菇菌加上creamy口感, 整體味道唔錯! 【黑松露雜菌湯】HK$28 是日餐湯, 餐湯只有散叫, 份量比較細。雜菌比黑松露味道較重, 整個湯為稀, 味道較淡~ 【芝士汁焗單骨雞翼】HK$28 單骨雞翼食用方便, 表面淋上芝士汁, 再稍為燒過, 但雞翼依然keep到外皮為脆, 內裡juicy, 芝士味很出 食完正餐休息一下, 朋友先去隔離再睇睇眼鏡, 邊食邊shopping, 果然一個地方, 兩種享受~ 期後我地再order左甜品試試... 【北海道牛乳燉蛋白】HK$80 有熱食同凍食選擇, 入口非常香滑, 甜甜地~ 【士多啤梨梳乎窩夫配雪糕】HK$88 呢款窩夫有鬆軟同脆口感選擇, 而我就揀左脆身。窩夫同配料分開放, 免得cream既水份配料令原本脆口既窩夫變林 一刀切落, 外表略帶脆, 口感外脆內鬆軟, 沾上士多啤梨雪糕、cream 同埋夾埋又甜又大粒既士多啤梨一齊食, like! --------------------------------------- 餐廳名稱：eGG meets 小甜谷 eGG meets Xiao Tian Gu Address: 旺角亞皆老街8號朗豪坊10樓19-20號舖 Tel.: 2327 5101 營業時間： 星期一至日: 12:00-23:00 設加一服務費 接受預先訂座: No ============================== Find me on Facebook Page▸ www.facebook.com/keresawong/ Instagram▸ https://www.instagram.com/keresawong.l.s Blog▸ http://keresa.pixnet.net/blog Openrice▸ Keresawong.L.S
