今晚相約左一個好耐冇見既舊同事出黎食飯吹水, 揀左去旺角既好一鍋打邊爐, 交通好方便, 臨近旺角港鐵站, 兩分鐘內已經到!揀呢間既原因係之前去過佐敦好一鍋食, 印象唔錯, 款式多, 價錢合理, 所以順道帶朋友一試! 一坐低, 侍應先奉上火鍋醬油配料比我地自助混醬, 呢度係免醬油費ga!! 至於飲品方面亦係自取, 飲品以罐裝汽水為主 呢度打邊爐限時為2.5小時, 絕對係夠時間食餐飽~ 而且價錢唔太貴, 所以就算平日晚, 呢度都爆滿, 所以最好預先BOOK位黎到唔洗等。 我地急不及侍已經揀好湯底同火鍋食材, 單單湯底, 已經有十款之多! 我地揀左個雙併湯底: 泰式冬陰功鍋同埋鮮茄薯仔豬骨鍋 湯底味道唔算太濃郁, 所以唔會COVER哂火鍋既食材味道 呢度既食物款式眾多, 豬、牛、羊、雞、魚、海鮮、蔬菜等等...應有盡有, 每次order既份量都以人頭計算, 我地係整晚落左3-4次order加單, 野食黎得幾快, 而且冇漏單情況出現。值得一讚! 打邊爐必食既係肥牛, 呢度既肥牛分為兩款: 手切肥牛同埋美國肥牛 兩款既色澤都很新鮮, 對於任食黎講, 呢度既肥牛算有質素~ 不過每次order二人份量都係得咁多, 所以想大量咁食就要入多幾張單, 幸好呢度出野食都算快, 總算加返唔少分數~ 響鈴 - 唔係即炸, 所以就算浸入湯底3秒即食, 都食唔到中層既脆, 不過就可以用另一食法, 索左湯底既精華咁食 雖然呢度既餃類唔係新鮮即包, 但魚皮餃熟左之後入口, 內裡既料都係鮮甜~ 鵝腸 - 超級爽口, 而且沒太多肥油相連, 必食推介!! 另一必食既係鱔片, 雖然每次order都係得薄薄既三片, 但薄得黎, 烚熟之後, 肉質比預期中爽口鮮味~ 值得一試!! 是日海鮮 - 蜆 D蜆大大隻, 而且唔會有沙 手打丸類、墨魚滑 呢度既手打丸類同墨魚滑很爽口彈牙, 而三色丸包括有豬肉丸、鯪魚球同埋墨魚丸, 細細粒, 食多幾款都唔怕太易飽肚, 可以試多幾款 不得不說呢度既海鮮都幾多, 除左蝦、魚同埋蜆, 就連魷魚同帶子都有, 款式果然夠多 打完邊爐, 當然要食返個甜品先夠完美啦! 呢度設有自助既乳酪雪糕機, 自己想食幾多就支幾多, 更有幾款配料任加。 整體黎講, 以HK$158加一呢個價錢, 個人覺得的確幾抵, 食多幾款真係好快回本, 野食同服務質素唔差, 又冇漏單, 加單速度又快, 2.5小時內可以不停食, 捧住個肚走。 值得我再次Encorn!! --------------------------------------- 收費 - 入座時段 5:00p.m-7:30p.m前離座: 成人: HK$138; 小童: HK$88 - 任何2小時30分鐘時段: 成人: HK$158; 小童: HK$98 - 9:30p.m後入座時段: 成人: HK$138; 小童: HK$88 --------------------------------------- 餐廳名稱：好一鍋海鮮火鍋專門店 Address: 旺角彌敦道628號瓊華中心11樓 Tel.: 2157 9638 營業時間： 星期一至日: 17:00-03:00 設加一服務費 接受預先訂座: ============================== Find me on Facebook Page▸ www.facebook.com/keresawong/ Instagram▸ https://www.instagram.com/keresawong.l.s Blog▸ http://keresa.pixnet.net/blog Openrice▸ Keresawong.L.S
