Min 16oC, Max 25oC, Partly Cloud, Mild 9點未到, 鬧鐘都未響已自然醒, 身體叉足電, 我已經充滿力量喇!!! 去旅行本來就應該係要嘆下的, 自我感覺良好-ing... Go West Local Tour會係11:50AM集合, 我地10:40AM已準備就緒, Anytime出得門口... 有了前日大洋路之旅的歡樂體驗, 對今天的旅程充滿期待, 可惜... 有時候... 就算係同一間旅行社, 只要係唔同導遊, 原來擦出的火花都可以有好大出入... 加上今日不時下雨... 唔通... 連個天都唔鐘意我?!! 今天的司機兼導遊是非常有型的Frank, 長相有點像白髮蒼蒼的德斯汀荷夫曼(Dustin Hoffman), 只是Frank較Dustin廋一點... 前天在Great Ocean Road的旅遊車上借用iPod 翻譯機是需要扣留旅遊証件的, 但今天卻不需要, 真奇怪, Frank更豪氣地將整包iPod交給我, 包包內有3隻iPod之多呀... 今天更不需要填問卷, Frank又較為沉默寡言不太說話, Honey同我都懷疑佢係老細... 由墨爾本去Phillip Island要2小時車程... 好遠喔!!! 我趁呢段時間已經聽完所有廣東話版的導覽... 旅行車20個座位全數爆滿, 今日又係2架Go West Buses一齊出動... 有9個聯合國學生坐係車尾, 全日11小時未靜過, 嘈到拆天, 嘈到我帶住耳機都抗衡唔到, 噪音震到入心, 初期都有少少厭惡, 後來耳膜都穿埋, 麻木了... 沿途沒事可做, 又不想睡覺白白浪費光陰, 只有靠影下牛牛來打發... (電腦的harddisk又多了幾千張千篇一律的無謂相) 2:00PM 第一站 San Remo San Remo 乃通往 Phillip Island 的必經之地, 地道的小漁村, 是買魚或自己捉魚的好地方!!! 相中之橋是 Phillip Island Road 的一部分, 如果唔行橋, 就要游水先去到 Phillip Island 嘅喇... 對岸是位於Phillip Island東南面的Newhaven海濱村莊... 嘩... 呢度好勁大風呀!!! 件T-Shirt吹到啪啪聲呀... 又到點唱時間... ♫ 冷得我騰騰震呀... 呀... 呀... 呀... 呀... 呀... ♫ 開始落雨啦, 好凍呀!!! 著咗件Windstopper都頂唔順, 強顏V手勢... 連Frank都擔心我會凍親, 忍唔住伸手去搣下我隻手袖, 見到佢面色一沉, 示意我件風褸太單薄, 今晚Penguin Parade會更更更凍... 嘻嘻嘻嘻... 佢唔知到我仲有秘密武器會壓軸登場囉... 唔知點解團友們落車咁耐都仲未返, 我地唯有繼續週圍影下相... 黑色的花, 質地看似木, 我摸過, 應該是真的, 唔係木雕... 好特別呀... 外型好古典的建築物, 紅磚綠瓦, 離遠一睇已令人聯想到中國餐廳... 2:15PM 到達第二站 (其實係第一站)... Pannys 菲利普島朱古力工廠 (Pannys Phillip Island Chocolate Factory) 來到呢度, 我地已經要著羽絨外套... 入口的小企鵝場景竟然係100%用朱古力做, 連雪地都係, 好勁呀!!! 仲要每隻都有名牌, 制作好認真... 好, 大家準備好未?!! 我地要一齊穿越朱古力隧道, 進入朱古力的奇妙世界(Pannys Amazing World of Chocolate)喇!!! 餐廳同商店免費入場, 入Pannys Amazing World of Chocolate要買入場劵, 大人AU$15, 小童AU$10, 家庭(2大2小)AU$45.00, 4歲以下小童免費... 入場時會派粒朱古力比你食下... 通向朱古力世界的第一關, 係要學習朱古力如何由可可樹一步一步演變而成... 工作人員流水作業的講解, 零交流, 也不會理會有多少人可以聽得到他的聲音... 朱古力大衛像(Michelangelos David in chocolate)都要用樹葉遮住?!! 以1萬2千粒朱古力拼湊出埃德娜·埃弗烈治夫人的樣貌 (12,000 chocolates in the mosaic of Dame Edna Everage... 在朱古力村落中行走的小火車 (Train in Chocolate Village)... 好想變身哥師奶, 摧毀呢個村落, 第一樣想踩扁的, 係個燈塔, 好唔抵得佢做得咁神似... 嘩咔咔咔... 按鈕啟動西洋鏡 (Zoetrope), 看看企鵝如何由蛋變成小企鵝, 然後再慢慢成長... 攤位遊戲(Side Show Alley), 好似去咗冒險樂園咁, 不過呢度任玩, 唔使入錢, 贏咗會有朱古力碌出來, 玩果時係好興奮, 到粒朱古力到手又開始擔心衛生問題... 留多一陣都會暈的空間Aroma Centre... 你睇下個地下... 轉轉轉... 每3分鐘有400kg朱古力流出的瀑布(thunderous chocolate waterfall)... Crazy... 1噸的朱古力磚 (lift the ONE TONNE block of chocolate)!!! 果9個聯合國學生企晒入個磅度, 舊朱古力磚郁都唔郁下, 其中1個女學生叫埋我地同2位意大利藉女士入去, 都係亳無動靜, 呢D咪叫做食力囉... 照貼心的巨型朱古力拍照區 (photo taking in giant chocolate display)... 入去拍照區時先按扭, 會有時間顯示, 等你可以睇時間慢慢擺好pose, 影完出返來, 係kiosk搵返自己張相, 輸入自己的email, 就會即時send比你, 真係諗得好週到... giant唔係得把口講, 果2塊朱古力仲高過我囉, 真係唔講得笑... 我覺得最好玩係呢個朱古力扶乩(Create your own chocolate patterns)!!! 玩完又玩, 玩到唔捨得走呀!!! 四大文明古國的人都有好多令人接受唔到的共通點, 個心心明明係我畫出來的, 個印度女人居然走來搶, 趕都唔走, 最後我唯有用手封死個出口, 佢唔死心但無奈唔夠我強悍... 工場內仲可以睇到由朱古力磚變為到不同款式的朱古力的制作過程, 包裝工序都展示埋, 好詳細... 呢位澳洲可人兒, 工作中不忘展露甜美笑容, 誠意可嘉... 我唯一有衝動想買的東西, 朱古力高跟鞋!!! 堅靚!!! 堅貴!!! 朱古力工廠的出口是餐廳及紀念品商店, 人頭湧湧... 門外的仿朱古力牛牛都值得一拍的... 弊!!! 又落雨啦!!! 個鏡頭入晒水啦!!! 快D返上車啦!!! (上演一幕奪命狂奔) 係TripAdvisor好多人批評朱古力工廠的行程是浪費時間, 但我又OK Enjoy喎, 而且有小朋友的家庭都好適合來玩, 相信狠批的人應該少少童心都無... 今日的行程仲未完的, 待續... ### 菲利普島朱古力工廠小檔案 ### The Phillip Island Chocolate Factory Address : 930 Phillip Island Rd, Newhaven VIC 3925 Phone : 03 5956 6600 Fax : 03 5956 7697 Email : info@phillipislandchocolatefactory.com.au Website : http://www.phillipislandchocolatefactory.com.au/ ~~~ 3:20PM 下午茶時間!!! 到達第3站 (其實係第2站) Phillip Island Vineyard & Winery... 嘻嘻... 但係... 我地唔係來食下午茶的唷... 來得Vineyard, 唔通仲採茶葉咩, 緊係來Wine Tasting啦啦啦!!! 呵呵呵呵~~~ 係廣闊的草原旁邊嘆酒, 來個心靈大解放... ♫ 在森林和原野是多麼的逍遙 親愛的朋友啊你在想什麼 鳥兒們啊在歌唱 鳥兒們啊在舞蹈 親愛的朋友啊你在想什麼 ♫ 試酒就緊係唔可以空肚啦... 芝士絕對唔少得... 大大籠的麵包... 仲有鮮果... 粉紅色的Rose酒2011 Merlot Rose' 重果味, 1枝售AU$23 (約HK$185)... 呈深紅色的2005 The Nobbies Pinot Noir, 混合了胡椒味與士多啤梨味, 頗哽... Total試咗5隻酒, 酒量淺飲唔曬的話, 職員會將飲剩的酒灑到草地上, 仲講笑話"Good for Gardens", 嘿嘿, 日日咁灑法, d草會唔會醉咗唔識進行光合作用o架?!! 意大利藉女團友話我地Join嘅係Penguin Parade Tour, 但到呢一刻都無見過Penguin... 我即係響手袋度拎隻 Penguin 出來, 引來哄堂大笑... 2位意大利藉女團友好面善, 應該係早2日去Great Ocean Road Tour時都係團友, 但佢地午餐後留咗係大洋路, 所以先唔係好認得... 試酒期間有隻蜜蜂係我腳邊徘徊, 好驚呀!!! 我好緊張地雙手按住對耳仔, 坐我身邊的學生妹即時問我"What happen?", 我答"Bee... Bee...", 佢即時鬆一口氣, 肯定佢心諗"車, 比你嚇死"... 咁人地真係好怕蜜蜂嘛, 嘩咔咔咔... 4:10PM 逗留不足1小時便要離開, 離開酒莊時比Honey發現咗葡萄園, 但規模比我地係歐洲見到的細好多... 4:25PM 到達Koala Conservation Centre (樹熊保育中心), 開始下雨了, 大家紛紛撐開雨傘或穿上雨衣... 訪客中心內的教育展覽... 穿過玻璃門, 就可以展開Koala Boardwalk之行, 漫步於桉樹林, 尋找樹熊... 桉樹林面積很大, 沿著外圍行一圈不易走失... 樹熊保育區被綠色的圍欄包著, 以防樹熊走失... 指示牌話樹熊爬唔過綠色的圍欄, 提醒大家出入一定要順手關門... 漫步於桉樹林中的浮橋, 在樹熊的自然棲息地, 努力尋找Koala的身影... 保育區內仲有美麗的自然濕地... 呢隻雖然瞓緊教, 但起碼清楚睇到個樣吖... 今日保育區內的樹熊全部捲埋一舊, 只見到樹上有團毛球, 咩都睇唔到, 難免有少少失落, 但咁樣先係真正的大自然!!! 咳... 指示牌話... 當樹熊覺得凍或者濕, 就會捲起身體好似個波咁, 有時全日都會保持咁嘅姿態, 請大家唔好掂佢或騷擾佢... 離開保育區... 指示牌話園內除咗樹熊(Koalas)仲有好多小動物, 包括小袋鼠(Wallabies)、負鼠(Possums)、針鼴(Echidnas)、蛇(Snakes)、蟻(Ants)、蝙蝠(Bats)、雀鳥(Birds)、蜥蜴(Lizards)... 於樹林中搜索, 你會發現好多隻比大掌大少許的小袋鼠(Wallabies)... Honey的魂魄被Wallabies吸住了... 越行越近... 誠意呈獻--Wallabies寫真集!!! 哈哈... 大家覺得呢張相似唔似袋鼠航空的Logo呢?!! 5:15PM 並無依依不捨地離開Koala Conservation Centre (樹熊保育中心) ~~~ 5:30PM 自費晚餐時間(10天澳洲旅程之中最好味的1餐), 來到小鎮Cowes的Thompson Avenue... 好靚好宏偉的樹冠... 由於只有30分鐘, 時間不足, 我地唔想行咁遠浪費時間慢慢揀, 近近地就呢間食Pizza的肥海鷗... 餐廳名稱 : The Fat Seagull 餐廳地址 : 10 Thompson Avenue, Cowes, VIC 3922, Australia 餐廳電話 : +61 3 5952 3106 餐廳網址 : www.thefatseagull.com.au 餐廳唔係得個名, 屋頂真係有隻肥海鷗做生招牌... 餐廳內環境都幾骨子... 紅色枱布+白色枱巾... 天花吊扇... 開放式廚房... 吧枱區... Soft Drinks一律AU$3.5 (約HK$28), 我地呢10日日日都係Coke Coke Coke... 返到香港即刻肥咗好多!!! 好慘呀!!! 有排減... "Salads as a Meal" Oriental Chicken Salad AU$17.9 (約HK$145) -- 表面煎至金黃色的辣雞柳, 加入豆芽、腰果、車厘茄及大量新鮮沙律菜, 伴以甜辣椒醬, 令人食慾大增, 惹味又美味!!! 份量奇大, 難怪餐牌標示"Salads as a Meal", 細細聲話你知, 呢度Salad仲貴過Pizza呀... 11" Original Recipe Pizza (6 slices) Lamb Roast AU$16.5 (約HK$130) --每日新鮮制造的厚批, 餐牌叫大定幻想一下祖母的週日午餐：醃嫩羊肉、烤南瓜、薯仔、菠菜、薄荷醬... 嗯... Yum Yum... 由於係即叫即焗, 等咗好耐先出爐(其實只係15分鐘), 無時間喇, 要返上車喇, 食唔切喇, 包走吖唔該!!! 6:00PM 氣急敗壞趕回旅遊巴停泊處 30分鐘由落車到搵餐廳到落單到食完埋單再跑返車, 超超超趕的一餐, 好彩上車後個Pizza凍咗都仲好好味... 6:30PM The Nobbies 告示牌話呢度有銀鷗、燕鷗、海豹、海豚、遷徙中的鯨魚... 嘿... 大家真係要放長雙眼睇... 第一隻見到的, 係導遊Frank指引大家睇的... 企鵝仔!!! 一落車就睇到, 令大家非常興奮, 誰會料到... 之後見到的, 都係死企鵝!!! 好可憐呀!!! R.I.P. 觀景台望出去的礁石是海豹休憩的地方... 可惜... Zoom埋去... 1隻都無... 月野兔, 你都覺得好可惜吧... 為何不敢正視我?!! 正要離開時, 發現其中1間小木屋內有企鵝仔, 謹此2隻... Alive Penguins!!! 夕陽無限好, 只是無企鵝... 失望地離開... 正所謂絕景逢生... 學生妹居然係旅遊巴望到山頂位置有3隻Baby Penguins, 全車陷入瘋狂狀態... Frank停低車比大家影相, 但唔肯開門, 都啱嘅, 容咩易大家一個唔小心碌咗落山崖, 到時真係神仙難救, 而且我地都唔應該騷擾企鵝仔的私人空間... 究竟... 點解... 企鵝媽媽要係咁高的地方築巢?!! 係海行上山頂, 我都要半小時以上, 企鵝媽媽點行上去o架?!! 說時遲, 那時快, 巴士右面又出現咗幾隻好靚的野鵝... 廋田無人耕, 耕開有人爭!!! Wallabies都走來八卦埋一份, 企正係路中心阻攔巴士的去路!!! Wallaby, 你都唔捨得我地呀? 我都好唔捨得離開你呀!!! 7:15PM Penguin Parade Honey係旅遊巴上影到的「神仙企鵝回巢」觀望台, 我地今晚就要坐係呢度食風, 歡迎企鵝們滿載而歸... 玩咗成日, 終於到重點!!! 接過入場劵, 就要熄相機!!! No Photos!!! 閃光燈會導致企鵝失明, 快門聲會干擾企鵝BB的叫聲, 導致企鵝父母難以尋回自己的孩子餵飼, 企鵝BB會活生生餓死... 我都好想影相, 但唔想傷害到企鵝, 唯有嚴守紀律!!! 今晚 Penguin Parade 7:45PM 先開始, Go West Tours 好似有特權咁, 2團人入到 Penguin Parade 小食亭後面的廣場開餐, 無職員阻撓, 包場咁... 野餐時聽到矮樹叢內有企鵝BB在叫喊, 比Go West的Home made 藍莓&香蕉蛋糕Cake更能吸引到大家, 哈哈... Go West的蛋糕真係好好味, 不過我剛KO咗半個Pizza, 飽到上喉嚨椗, 只能象徵式吃1-2件... 我杯熱朱古力勁落朱古力粉, 金口難開的Frank亦忍唔住講咗句"You love chocolate so much"... wakakaka... 嘆完野餐就乖乖去觀景台等睇「神仙企鵝回巢」... 企鵝上岸時好搞笑, 浪花一退就有一堆企鵝企咗係沙灘, 然後左右搖擺身軀論論盡盡地行入矮樹叢, 速度出奇地幾快喎... 正當大家看得入神, 有1男1女衰人大LuLu起身企去Corner, 阻擋所有人的視線, 實在太太太離譜!!! 我呼喝佢地"Sit Down Pls", 我唔知佢地識唔識英文, 但我唔想人地當我同佢地係同類, 所以先用英文講... 職員將佢地趕回座位後, 企鵝已經走晒, 好谷氣呀, 太過份喇, 去到邊都令人神憎鬼厭的X國人!!! 早知加錢坐Penguin Plus, 位置真係好d... 20分鐘過去, Frank事前指示我地行去 Penguin Plus 的木橋睇神仙企鵝餵企鵝BB, 我地同單身女團友同行, 佢只著中袖外套, 雙手凍到結冰, 我都無問人地同唔同意就雙手捉住佢雙手輸d暖氣比佢, 好似有點強人所難, 哈哈... 我倆特別投緣, 皆因我倆的Scarf都係綠底白點呢, 哈哈... 係 Penguin Plus 的木橋見到好多企鵝, 距離好近, 小朋友見到企鵝嘴對嘴, 興奮地叫"The Penguin is kissing", 哈哈, 好好笑!!! 小朋友, 佢地唔係Kiss, 係Feed, 企鵝父母餵緊佢地嘅BB呀!!! 看著1對又1對神仙企鵝與父母重逢, 心情係興奮+興奮+興奮+興奮+興奮!!! 歡樂的時光過得特別快, 又係時候講Bye Bye, 嗚嗚嗚嗚... I don't wanna go home!!! 超級依依不捨地回到客服中心... 竟然有幾隻神仙企鵝行過來,隔著玻璃窗可以影相了, Yeah!!! 今日個Day Tour真係勁趕, 去埋個Toilet, 根本都無時間Shopping就要走了, 想買隻企鵝公仔做紀念品都無喇... 9:00PM 離開Phillip Island Penguin Parade 今次回程我又玩吓 Location Service + Google Map, 沿途用 iPhone 經旅遊巴的 Free WiFi 上Google Map, 睇住架旅遊巴向住墨爾本進擊, 都幾過癮... 11:00PM 回到墨爾本市中心, 經過 Olympic Park 超多人, 旺過維園花市, Frank話平時呢個時間唔會有人的, 可能今晚有 Rock Concert 兼剛散場... 返到酒店了, 頓時感到好失落, 睇到神仙企鵝返屋企真係超興奮, 但一諗起我明天要返屋企就好唔開心, 我真係唔想返屋企呀!!! 澳洲「野生探索」2013 の 總匯 http://www.kenmerry.com/2014/07/2013.html
