Min 13oC, Max 25oC, Morning Cloud, Mild 今天早上睡至自然醒, 10:10AM, 太舒服喇!!! 昨天的大洋路之旅非常充實, 早去午夜返, 慶幸今天放棄了去金礦山, 只在市內Hea一天, 否則一定辛苦死了... 從酒店行2個街口就會到達FREE Melbourne Visitor Shuttle Bus Station... 你沒看錯, 是FREE的!!! 免......費!!! 咁著數?!! 真定假?!! 好想知?!! 就等我帶你去坐霸王車玩1天吧!!! 很不幸, 隔住1個街口見到免費遊客巴士離開11號巴士站, 要等30分鐘先會再有車... 12:10PM 不想呆等, 見到巴士站旁有麥當勞, 正在推廣AU$1 芝士漢堡, 非常便宜, 就吃個Early Lunch吧... 店內的Free WiFi小冊子, 跟足指示亦上不到網... 還是吃包吧喇... 時間差不多了... 跑到巴士站等候... 墨爾本到處都是寶, 美輪美奐的古舊建築物隨處可見... 巴士... 巴士... 幾時來呀?!! 時候到了, 巴士來了... 吖... 點解唔停低嘅?!! 噢... 天呀!!! 巴士司機轉彎後仍手指指指出前方... 玩啞謎嗎?!! 幸好有幾位外籍女士同我地一齊等免費巴士, 其中1位的手機可Online查看Visitor Bus的網站... 原本11號站因整路而關閉, 巴士司機向前指係想叫我地行去12號站... 跟著4位外籍女士行了一會便到達12號站, 又要再等30分鐘車... 話實, 原來酒店行去12號站同11號站是同等距離, 今次真係運咗好大隻桔... 12號站右邊係Crown皇冠娛樂中心, 左邊係Eureka Skydesk 88 (南半球的最高建築物), 2大Melbourne地標擺在眼前, 反正等車期間無所事事, 又點可以唔影相呀... 仲可以見到我地下榻的酒店Rendezvous Grand Hotel Melbourne... 13:00PM 免費遊客穿梭巴士來了!!! 足足用了1小時先坐到霸王車... 免費?!! 仲未計算我地的Time Cost囉... 女司機向乘客廣播, 明天Sunday有單車賽, 好多巴士站都會Close!!! 好彩... 好彩我地係今日來坐霸王車, 都只係白等咗1小時, 如果明天來, 後果不堪設想... 半年後的今日, 重溫 Melbourne Visitor Shuttle 官方網站, 竟然話要買車票, AU$5 全日?!! 我都唔知係咪重係免費喇, 大家出發前最好問清楚先... 坐了1個站到Royal Botanic Gardens... 等1個鐘, 坐1個站, 夠抵死吧, 便宜莫貪真是至理名言... 下車時見到Shrine of Remembrance好似有大型慶祝活動, 好多中小學生穿上中古時代服飾, 亦有儀仗隊... 忍唔住偷拍了4姊妹... 爸爸對我地非常提防, 不時監視著, 眼神不太友善, 我要趁佢望向另一方向時秒拍... Honey身後的仿古希臘神神殿建築物為澳洲戰爭紀念館, 紀念在第一次世界大戰中為維多利亞效命的男女... 可免費入內參觀... 在平台上可360度遠眺整個墨爾本... 包括Melbourne's Royal Botanic Gardens及我身後的Eureka Skydesk 88... 歡迎大家來到成立於1846年的墨爾本皇家植物園(Melbourne's Royal Botanic Gardens)!!! 背後乃歷史悠久的墨爾本天文台 (Old Melbourne Observatory Grounds)... Children's Garden Education Entrance... Children's Garden Education Entrance... Children's Garden... 收藏了超過一百萬種植物及真菌的維多利亞國家植物標本館(National Herbarium of Victoria)... National Herbarium of Victoria旁的迷人小屋... 小孩子與黑天鵝... 沒有玫瑰花的Rose Pavilion (看太多廸士尼卡通了, 不知何解會聯想到被玫瑰花包圍的小屋)... 通告話1:30pm-3:30pm Rose Pavilion被Marissa & Damian預約了來舉行婚禮, 通告仲話唔好撤玫瑰花瓣或紙屑或米... 撒米?!! 點解我覺得似七月十四多D, 嘩咔咔咔... William Tell Rest House... 皇家植物園內最大的湖--Ornamental Lake... 可遠眺Eureka Skydesk 88... 雀鳥的天堂... 寧靜得像地球停止了轉動... 不知在何處影的Charming小屋... 墨爾本皇家植物園佔地面積35公頃, 行了1小時, 行了還不到4分1個植物園, 但要趕緊係免費遊客穿梭巴士的尾班車開出前, 繼續盡用, 不想離開也得離開... 馬車上的女士發現Honey影相後, 一直擺好優雅的坐姿, 面對鏡頭, 保持笑容... 如此大方的舉動, 不是人人能做到的... (最少我一定即時摺埋自己, 哈哈) 3:00PM 遊畢墨爾本皇家植物園 (Melbourne's Royal Botanic Gardens) 與 澳洲戰爭紀念館 (Shrine of Remembrance) , 於13號站乘坐墨爾本免費遊客穿梭巴士(FREE Melbourne Visitor Shuttle), 繼續「霸王車一天遊」餘下的行程... 好彩一上車就有位坐, 超迫人呀!!! 有位坐已經好幸運, 仲要係窗口位, 舒舒服服觀光之餘, 仲可以狂影相... 咔嚓咔嚓咔嚓咔嚓咔嚓... St Paul's Cathedral... Federation Square... Melbourne Cricket Ground... Comedy Theatre... Melbourne Museum... 漂亮建築物隨處可見... 這座紅磚屋位於Rathdowne St & Elgin St之間... Australia Post... Queen Victoria Market 附近的Victoria Hotel... 坐咗8個站, 繼續唔落車... 觀光, 就是如此... 9號站Harbour Town, Docklands... 相中建築物係「澳洲小廚神」的拍攝廠房Docklands Studios Melbourne... 今朝我地係關閉中的11號站(William Street)運咗隻桔, 之後步行去12號站(Southbank and Yarra River), 坐1個站去13號站(The Shrine and Royal Botanic Gardens), 遊完花園, 就係13號站一路坐坐坐(13>1>2>3>4>5>6>7>8>9>10)... 去到第10個站(Etihad Stadium and Victoria Harbour), 覺得剛完成了一個 Melbourne Visitor Shuttle 的Full Cycle, 見附近有電車站, 居然膽粗粗落車!!! 其實附近都幾荒蕪... 去到電車站, 根本分唔到邊個方向的月台係最快通往 Melbourne Central, 去咗A月台, 又驚, 又走去B月台, 又驚, 又再走返去A月台, 轉咗3次, 竟然係錯方向的!!! 仲要超低能地, 誤以為墨爾本免費觀光電車(35 - City Circle - FREE Tourist Tram)車廂一定係紅色古典那一款... 所以... 當呢一款綠色古典車廂出現時, 我地竟然唔識上車, 足足錯過了3班車呀!!! Oh No!!! 戇等期間, 發現有Mobile App可以即時查到下一班電車的到站時間, 照讚!!! 可惜... 我地係Adelaide 買唔到3G上網卡... 嗚... 否則不用又運桔... 又係 超迫人, 好彩一上車又有位坐, 爽呀!!! 港霸王拉姑今日坐完墨爾本免費遊客穿梭巴士(FREE Melbourne Visitor Shuttle), 又坐埋墨爾本免費觀光電車(35 - City Circle - FREE Tourist Tram), 又再次踏上征途, 尋找拱廊!!! 5:00PM 滿心歡喜來到Melbourne Central尋找早2日搵唔到的拱廊... 原來都唔係我要搵的拱廊, Oh No!!! 以紅磚砌成的貨倉, 只是商場的噱頭, 骨子裡只是店舖數間... 商場裡人頭湧湧, 卻只有我倆在瘋狂拍照, 更有人對我倆的行徑報以奇怪眼光, 很不自在... 我倆不喜歡Shopping, 旅遊時只愛拍照, 進入商場後慣例是極速離開, 但Melbourne Central仍是有些賣點的... 上網成癮的網友救星... FREE WiFi!!! 我地由1樓上WiFi上到頂樓, 再去埋個既現代化又整潔的洗手間, 再研究一下商場內的餐廳... 最後... 去了Customer Service Counter問下附近邊度有Woolworths, 職員答無, 再問附近邊度有Supermarket, 職員答地庫, 但是CLOSE... 超級市場CLOSE?!! 仲有5分鐘先到6PM喎!!! 地庫仲係車站出入口, 理應人流頂盛, 何解超市會咁早CLOSE?!! 難道呢種就係澳洲的生活特色?!! 明知超級市場已CLOSE, 但仍落地庫八卦下... 見到超市喎, 仲人頭湧湧喎, 又話Close... 抬頭一看... "火羅"爆!!! 原來服務台店員口中的Close Supermarket, 竟然係Coles Supermarket!!! 照道理正常人都唔會聯想到Supermarket會係6PM Close, 但係, 我地係Adelaide遇過Food Court 6PM 全Closed事件, 未免有少少嚇窒了... 嘿嘿... 列入低能的奇妙旅程系列... 失而復得, 難免失控... 我掃, 我掃, 我掃掃掃!!! 腰果Energy Bar好好味, 後悔無成箱買... 生果全部都好甜, 又平又抵食, 早2晚係酒店附近的便利店買勁貴又唔新鮮... 薯片6月到期特價大大包, 超超超超超鹹, 食1片已是極限!!! 呢度呢... 原來無人用環保袋o架!!! 我係收銀員面前拎個環保袋出來, 佢眼神勁奇怪囉... 行完超市, 行返酒店途中想搵間似樣的餐廳嘆下馳名的澳洲牛扒, 行咗幾條街, 都係得快餐店咖啡室之類, 好失落... (夜晚去到Crown先發現大把靚餐廳, 激死) 其實路過是但一個唔起眼的商場都有拱廊, 只係偏偏搵唔到旅遊節目入面影果個... 返咗香港先比我無意中係網上搵到正確地點係Block Arcade (96 Elizabeth Street), 只距離Hungry Jack's (Swanston Street) 一個街口... Oh No!!! 最後路過澳洲版的Burger King -- Hungry Jack's, 極之不情願之下入咗去, 我唔制呀!!! 咁樣一Set Junk Food竟然要AU$10.10 (約HK$80), 大拿拿80蚊!!! 有無搞錯?!! 唔係無錢叫多一份, 只係唔值得, 所以同Honey Share食, 晚一點見到好吃的東西亦可以有空間再吃... The Aussie, 單點的話都要AU$6.95 (約HK$55), 3753kJ, 一個包的熱量接近1個成年男人半天所需, 好Crazy!!! 入面有芝士、蛋、煙肉、蕃茄、紅菜頭、青瓜... 味道都OK... 我成世人都因為個懵樣而比人打尖, 令我好唔開心, 今日居然因為個懵樣而避過一劫, 哈哈, 開始欣賞自己個懵樣... 懵樣事件1) 排隊買包時, 我遊客上身, 企係收銀員面前影掛在天花上的Poster, 收銀員喝止話"No Photos", 收銀員問我影咗未, 我又懵樣上身, 問咗我幾次都完全無反應, 結果佢無奈下走開咗... 其實張Poster門口又有, 網頁又有, 請問點解唔可以影, 如果億萬網民係網頁Capture張Poster, 你是否逐一同佢地講"No Photos"?!! 懵樣事件2) 買完包, 坐低咗唔夠5分鐘, 有疑似道友的人走埋來問我攞錢 "Do you have one dollar?"... 我當時都幾愕然, 亦有少少擔心, 我知道一定唔可以攞個荷包出來, 佢肯定會搶走, 我唯有碌大對眼兼O咀扮唔識英文扮聽唔明佢講乜, 估唔到, 居然湊效!!! 佢好似好無癮又無奈地無言掉頭走... Yeah!!! 食完極之Dissatisfied的一餐後, 是時候買手信了!!! 明天Join了團去看企鵝回巢, 後日就要回港, 今日唔買就無機會o架啦... 我好滿意今次的紀念品... 但送比未讀幼稚園的姪仔時, 佢打開紙袋後, 再打開個毛毛袋, 不停問爸爸"無嘅?!! 無嘅?!!"... 佢唔知個毛毛袋係禮物, 佢以為係包裝袋, 我真係哭笑不得... 回酒店放低戰利品, 休息一下為身體充充電, 太陽落山後再出發... 展開墨爾本最運桔之夜!!! 從酒店(Rendezvous Grand Hotel Melbourne)步行到皇冠娱樂中心(Crown Casino and Entertainment Complex)不用10分鐘... 穿過橋底時, 見到好多露宿者... 7:30PM 到達皇冠賭場, 問過賭場入口的守衛(因找不到服務台), FIRE噴火表演時間係8:00PM / 9:00PM / 10:00PM... 其實出發前都問過酒店職員, 得到的答案相約... 跑到Crown Melbourne對出的橋上, Set好腳架, 嘗試了多個不同的光圈及快門設定, 萬事俱備, 與數百遊客一起靜待噴火表演的來臨... 8:00PM 完全無火... 不甘心!!! 決定等到9:00PM果場... 1個鐘流流長, 咁無理由白等嘅... 見到雪糕店勁多人排隊, 當然要去趁下熱鬧啦... 都排咗我好耐下... 澳洲的物價真係非常驚人, 開心果雪糕 AU$4.99 (約HK$40), 淡而無味又唔滑, 蝕比佢!!! 排係我前面的男士可能排得悶悶地, 掉轉頭同我講"Too Much, Give Me Eat Some!!!", 我的回覆是楊千樺Style, 一味喪笑而不語, 哈哈, 啋佢都傻, 幾多我都食得落!!! 仲未夠鐘, 繞場一周, 行咗去皇冠賭場對面的Melbourne Aquarium多角度影下皇冠賭場... Aquarium應該有Event進行中, 場面衣香鬢影... 西裝男行出來時, 見到我餵Honey食雪糕, 靜悄悄地行到我身後, 叫我餵佢, 我雙手將雪糕舉高答"No Way!!!", 佢大笑話"Just joking, is it funny?"就走咗去... 嘿嘿... 我又點會唔知佢講笑呀, 我咁大動作都係同佢玩下... 係Aquarium門外等候期間, 有個男仔帶埋腳架來, Set好部相機試埋光圈同快門之後, 竟然係背包度攞個飯盒出來坐係地下食... 無言... 有無咁好準備呀?!! 同飯盒男一齊等等等... 9:00PM 乜鬼火都無!!! 飯盒男執o野鬆人... 又到點唱時間... ♫ 傷心加上傷心的我似夢遊 能開心每靠麻醉後 但每次再回頭我都不敢相信 只有含淚的接受 不休苦痛不休心碎似石頭 何必迫我去接受 沒法再挽留你帶走的所有 風裡呆望著以後 ♫ 聽日仲要去睇神仙企鵝回巢, 已經食咗2場白果, 無可能再等埋10:00PM果場囉, 我地都決定鬆人... 臨行還要依依不捨地再影多幾張相... 叮叮餐廳剛巧路過,下次有機會再來的話都想試試... 回到酒店, 即時上Crown的官網睇下有無咩臨時取消通告, 完全無!!! 沖完涼攤係床上Facebook, 見到香港的朋友們紛紛張貼"地球熄燈1小時"的Posts, 唔通皇冠賭場都響應"地球熄燈1小時"的呼籲, 取消噴火表演?!! 真相背後的真相, 無從稽考!!! 超運桔的一晚!!! 澳洲「野生探索」2013 の 總匯 http://www.kenmerry.com/2014/07/2013.html
